Jirimiạ 51:20 - সান্তালী বাইবেল

²⁰ Probhu Isore meneda, “E Babel, am kangeam ińakʼ lạṛhại reakʼ mutạk, am kangeam ińakʼ lạṛhại reakʼ khanḍa bhanḍa; am hotetege jạtrenkoń chaka chun akatʼkoa, ar am hotetege rajosṭikoń marao giḍiakada;

Jirimiạ 51:20 Referans Kwoze

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Jirimiạ 50:23

Goṭa dhạrti reakʼ hạtuṛ do rạputʼ kạtra kuṭrạyena. Babel reakʼ dosa ńelte sanam jạtren hoṛ doko ṭhak utạrena.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jirimiạ 25:11

Niạ disạm do jarkhar ar potit jumige hoyokʼa ar noko jạtrenko do eaegel bochor hạbicʼ Babel rajren golam akanko tahena.

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

Jesaea 13:5

Onko do sạṅgiń disạm khonko hijukʼ kana, onko do pirthimi reakʼ ses simạna khonko rakapʼ hijukʼ kana; Probhu Isor do acʼakʼ edre reakʼ khanḍa bhanḍawante goṭa pirthimi marao lạgitʼe hijukʼ kana.

Jesaea 8:9

“E jạtrenko, ape do midokʼpe, menkhan ape dope marao utạrokʼa; E sạṅgiń reakʼ disạmko, ańjompe, ape do lạṛhại lạgitʼ sapṛaokʼpe, menkhan ape dope marao utạrokʼa; hẽ, lạṛhại lạgitʼ sapṛaokʼpe, menkhanpe marao utạrokʼa.

Jesaea 45:1

Probhu Isor do acʼren ojokʼ bachao akan hoṛ Kores reaṅe meneda, “Uni samaṅre boṅgan hoṛ jạtrenko jaṅga latarko ar rapajko reakʼ paṭheakʼ raṛaetako lạgitʼ iń do uniyakʼ jojomtiyiń sapʼ akatʼtaea. Iń do uni samaṅre silpińkoń jhija jemon duạrko siń alo tahen.”

Jeheskel 21:31

Ińakʼ edre do ape cetanreń dula ar ape upạrte ińakʼ khĩs reakʼ seṅgeliń oṅa. Ar nonkan kurmutạha hoṛkoakʼ tireń soprotpea okoe do makʼrao kạmireko gạkhuṛge.

Mikạ 4:12

Menkhan onko do Probhu Isorakʼgoṭawakʼ reakʼ katha do bako baḍaea; onko do bako bujhạu daṛeakʼkana je, uni do binḍạ leka khạrạire en ko lạgitʼe jarwa akatʼkoa mente.

Nạhum 2:1

E Niniwi, okoeṭakʼ hoṛ doe chiṭiạu giḍikakʼkan uni do am upạrteye hijukʼkana. Pạcri gaṛko cetanre amren lạṛhại phạdko sapṛaokom, ar ḍahar horhoeme, ḍanḍa paṭhe keṭejokʼme ar lạṛhại phạdko jarwakom.

Sakariạ 10:4

Jihudạ khonge konac reakʼ dhiri, tạmbu reakʼ gońj, lạṛhại reakʼ akʼ sar ar disạm cakʼlaokoko oḍok hijukʼa.

Jeheskel 21:11

Probhu Isor meneda, “Tarwaṛe do jhalkao ocoakana jemon beoharokʼ; ar gogocʼicʼakʼ tire emokʼ lạgitʼ ona do laser ar jhalkao ocoakana.