Jirimiạ 50:44 - সান্তালী বাইবেল

⁴⁴ Jordan reakʼ bir khon cetʼleka dhạcri kul do mońj ạtiń ṭạnḍire sikạr lạgitʼe oḍokʼ hijukʼ onkage mitʼ ripitʼre Babelrenko do akoakʼ disạm khoniń laga ńirkoa. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jirimiạ 50:44 Referans Kwoze

Jesaea 46:11

Ińakʼ monsubạ purạutiń lạgitʼ iń do sạṅgiń disạm khon mitʼṭen hoṛiń hoho ạguiyea; uni do purub disạm khon sendra cẽṛẽ lekae hijukʼa. Ar iń okań menakatʼ ona doń purạugea ar okań goṭa akatʼ ona hõń hoeocoygea.

Jesaea 46:9

Sedae reakʼ kathako disạipe. Iń kangeạń Isor do, iń chaḍa eṭakʼ jãhãe ar celege bạnukʼkoa; Iń kangeạń Isor do, Iń leka do ar celege bạnuiya.

Jesaea 43:10

Probhu Isor do Israelkoe metakokana, “Apege ińren goha ar ińren bachao akan golam kanape, ar ape jemonpe pạtiạukʼ arpe baḍae daṛeakʼ, iń kangeạń uni do. Iń lahate okoe Isor hõ bako sirjạu akana ar iń tayomte eṭakʼ cele Isor hõ bako tahena.

Jesaea 41:25

“Purub secʼren mitʼṭen hoṛ do ińakʼ ńutume lại sodora; uni do utạr secʼ khon hijukʼ lạgitʼ iń uskurede kana, ar uni doe hijukʼkana. Hasa cetʼlekako lebed ar kuṅkạl cetʼleka hasae lebetʼ gańjaoetʼkan onkage uni do disạm cakʼlaokoe lebetʼ gańjaokoa.

Jesaea 40:25

Uni sonoticʼe meneda, “Okoe tulucʼpe juriyińa? Ar okoe iń soman doe hoyokʼa?”

Sereńko 89:6

Sermare nonkan cele menakʼkoa okoe do Probhu Isor sãoteye jurikokʼa? Serma goḍetko modre Probhu Isor soman do okoe menaea?

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Jirimiạ 25:38

Uni do dhạcri kul leka acʼakʼ ṭhạ̃i bạgikateye oḍok hijukʼa; onate sasantaokoakʼ raṅgao iạte ar Probhu Isorakʼ jolokʼkan edre iạte onkoakʼ disạm do jarkhar cabakʼa.

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Sereńko 89:8

E Probhu, sanam daṛean Isor, okoe menaea am lekan daṛeanicʼ do, E Probhu? Amakʼ pạtiạrtetʼge am doe esetʼ ạcur akatʼmea.

Numeri 16:5

Uni do Korah ar uni dolren hoṛkoe metatʼkoa, “Gapage Probhu Isor doe udukʼ abona okoe do uniren kanako ar okoe do uni ńutumteko begar ocoakana. Unige acʼren hoṛko acʼ samaṅreye sen ocoakoa. Ar okoeye bachao akawan unige acʼ samaṅreye sor ocoaea.

Jirimiạ 12:5

“Manwa sãote ńir haparaokʼrem laṅgayen khan tobe do sadom sãote ńir haparaokʼ do cekatem daṛekokʼa? Eken sulukte perecʼ disạmrege khạtirjoma tahenem hudisetʼ khan enḍekhan jordan reakʼ bir gajaṛre do cekatem tahena?

Jirimiạ 30:21

Onkoren mukhiyạ do onkoren mitʼ hoṛe hoyokʼtakoa; onko tala khonge ḍanṭaoicʼe rakabokʼa. Iń do uniń hohoaea ar uni do iń ṭhene hijukʼa, ente bạń hohoae khan uni do cetʼ dil salakʼ iń ṭhene hecʼdaṛeakʼa?

Jirimiạ 50:15

Uni beṛhaete uni upạrte lạṛhại reakʼ andoṛpe. Uni doe bhagao ocoakana, uniyakʼ rurukhiyạ bebosta do rạputʼ akana ar uniyakʼ pạcri do lạnduṛ akantaea. Probhu Isor do uni cetanreye hala hạlikʼkana, ape hõ halawaepe. Eṭakʼko cetʼ lekae ceka akawatʼko ape hõ uni onkawaepe.

Sakariạ 11:3

Bhiḍi gukʼpikoakʼ homor halaṅ ańjompe; onkoakʼ bhage bhage ạtiń ṭạnḍiko do nosṭo caba akana. Dhạcri kulkoakʼ hạnḍrạu ańjompe; jordan reakʼ bir do ujạṛena.

Jesaea 48:14

“Ape sanamko jarwa mitʼkate ańjompe. Goṛhon muṭhạnko reaṅ do lahare okoeye lạiyakada? Babel upạrte Probhu Isorren bachao hoṛko do uniyakʼ sanako purạutaea; Probhu Isorakʼ ti do Babelrenko upạrte rakabokʼa.