Jirimiạ 50:37 - সান্তালী বাইবেল

³⁷ Uniren sanam sadomko, rãt gạḍiko ar bidisiạ lạṛhại phạdko upạrte hõ tarwaṛe menakʼgea; onko do maejiu lekako nijorokʼa. Uniyakʼ dhon duribko upạrte hõ tarwaṛe menakʼgea; onako do luṭ idikʼtaea.

Jirimiạ 50:37 Referans Kwoze

Jirimiạ 51:30

Babelren birbanṭako do lạṛhạiko thirakana; onko do akoakʼ gaṛrege menakʼkoa. Onkoakʼ daṛe do ńurentakoa; ar maejiuko lekako nijor akana. Onkoakʼ tahen ṭhạ̃i do seṅgelteko jeretʼ akatʼtakoa; Babel reakʼ sanam phaṭok duạr reakʼ huṛkạṛko do rạputʼ ocoakana.

Nạhum 3:13

Amren lạṛhại phạdko do jotoge maejiuko leka kanako. Amakʼ disạm reakʼ phaṭok duạrko do amren bạiriko samaṅre jhicʼge menakʼa; ar seṅgel do onako reakʼ duạr-sikṛikoe jeretʼ giḍiakada.

Jirimiạ 51:21

am hotetege sadomko ar aswarikoń chaka chun akatʼkoa, am hotete rãt gạḍiko ar rãt gạḍi cakʼlaokoń marao utạr akatʼkoa;

Jirimiạ 48:41

Uniyakʼ sanam nagrahako do hatokʼa ar aotan gaṛko hõ ạidạrikʼtaea. Enhilokʼ Moabren birbão hoṛkoakʼ mon do bedonokʼkan maejiuakʼ mon leka hoyokʼtakoa.

Jirimiạ 25:20

onḍe tahenkan sanam bidisiạko; Kus disạmren sanam rapajko; Philisṭiren sanam rapajko, metakʼme Askelon, Gasa, Ekron ar Asdodren sarecʼkoren rapajko;

Jesaea 19:16

Enhilokʼ Misorren hoṛko do maejiu lekako hoyokʼa. Onko upạrte phạdkoren Probhu Isor do tiye rakabtaea ar ona ńelte onko do botorteko thar tharaokʼa.

Jeheskel 30:5

Kus, Puṭ, Lud ar sanam Arob disạm, Kub ar gate disạmren hoṛko do lạṛhạire Misorrenko sãoteko gujukʼa.

Jesaea 45:3

Iń do ńut jaegare oko danaṅakʼ acel pacel dhonkoń emama, jemonem baḍae daṛeakʼ, iń kangeạń Probhu, Israelren Isor do, one okoe do ńutum ńumkateye hohowamkan.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Nạhum 2:13

Phạdkoren Probhu Isore meneda, “E Niniwi, iń do am upạrte; amakʼ rãt gạḍikoń jeretʼ giḍikakʼa, ar tarwaṛe do amren dhạcri kulkoe jomkoa. Iń do amren sikạr lạgitʼ celege noa dhạrtire bạń doho oṭokakoa. Ar amren sombat emokʼkoakʼ aṛaṅ hõ ar baṅ ańjomokʼtakoa.”

Jeheskel 39:20

Ińakʼ ṭebilre ape do lacʼ perecʼ sadomko reakʼ, rãt gạḍi cakʼlaoko reakʼ, daṛean hoṛko reakʼ ar sanam lạṛhại phạdko reakʼ jelpe joma.’

Jirimiạ 50:26

E Babelren bạiriko, ape do sạṅgiń khon uni upạrte hijukʼpe. Uniyakʼ murạiko jhijtaepe; jarwa akatʼ anaj leka puńjiyepe. Ar purạte marao utạrepe, uniyakʼ cetʼge sarecʼ alope dohoytaea.

Jirimiạ 25:24

Arabren sanam rapajko; hahaṅkarre girobasokʼ kan sanam bidisiạ rapajko;

Sereńko 76:6

E Jakobren Isor, sadom ar rãtgạḍi cakʼlaoko do amakʼ dhomkao iạteko jạpitʼ hapekeda.

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

Jirimiạ 51:4

Onko do ghạl iạte Babel reakʼ hor horte gocʼ bhinḍạṛ akanko tahena.”

Jirimiạ 51:22

am hotetege iń do herel ar maejiukoń chirchạtur akatʼkoa, am hotetege haṛamko ar bale gidrạkoń chirchạtur akatʼkoa, am hotetege juạn ar juạnikoń chaka chun akatʼkoa;

Jirimiạ 50:10

Babel doe luṭ ocokʼa; ar okoe uniyakʼko luṭ idiy onko do jotogeko tirpitokʼa. Iń Probhu Isorge noa katha doń meneda.