Jirimiạ 50:32 - সান্তালী বাইবেল

³² Uni bạḍạiyicʼ doe sombotʼ bhindạṛokʼa ar berede lạgitʼ do celege bako goṛowaea; uniyakʼ nagrahakore seṅgeliń junḍiyakʼa, ar beṛhaeteakʼ jotowakʼ doń jeretʼ giḍikataea.”

Jirimiạ 50:32 Referans Kwoze

Jirimiạ 49:27

Damesek reakʼ pạcrikore iń do seṅgeliń junḍiyakʼa; ona do Benhadad gaṛkoe lo poṭor cabaea.”

Jirimiạ 21:14

Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Johan sodor 18:8

Onate unire joto sạjại do mitʼ dintege paṛaokʼa; onako do hoyokʼ kana moron, duk ar mohamạri. Seṅgelte uni doe atar giḍi ocokʼa, ente okoe uniyakʼe bicạrtae uni Probhu Isor doe daṛeanicʼ kana.”

Amos 2:5

Ar onatege iń do Jihudạ cetanre seṅgeliń kola; ona do Jerusalem reakʼ gaṛkoe joma.”

Amos 2:2

Onatege iń do Moab upạrte seṅgeliń kola; ona do Keriot reakʼ gaṛkoe joma. Lạṛhại reakʼ hoho ar sakwa saḍe reakʼ gulmal talare Moab doe gujukʼa.

Amos 1:14

Ona lạṛhại dinre botoranakʼ birbão hoe leka lạṛhại talare iń do Rahab reakʼ bhit upạrte seṅgeliń kola; ar ona do uniyakʼ gaṛkoe joma.

Amos 1:12

Onate iń do Teman upạrte seṅgeliń kola; ona do Bosrawakʼ gaṛkoe joma.”

Amos 1:10

Ona iạte iń do Tur reakʼ bhit upạrte seṅgeliń kola; ona do uniyakʼ gaṛkoe joma.”

Amos 1:7

Ona iạte iń do Gasa reakʼ pạcri bhit upạrte seṅgeliń kola; ona do uniyakʼ gaṛkoe jomtaea.

Amos 1:4

Ona iạte iń do Hasael reakʼ raj oṛakʼ cetanre seṅgeliń kola; ona do Benhadadakʼ gaṛkoe joma.

Daniel 5:20

Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.

Jirimiạ 51:64

Ona tayomem mena, ‘Nonkage Babel hõ unumokʼa, ar baṅ rakapʼa, ente Probhu Isor do ona cetanre muhine ạguiya. Uni doe marao utạrokʼa.’ ” Jirimiạ reakʼ katha do nonḍege mucạtʼena.

Jirimiạ 51:26

Hoṛko do konac reakʼ dhiri lạgitʼ am khon do bako hataoa, ar rehetʼ bạisạu lạgitʼ hõ bako hataoa; am do jaejug ujạṛ utạrakʼgem hoyokʼa.

Kạhtukko 18:12

Manwa ontor reakʼ bạḍại do jarkhare ạguiya,

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Sereńko 119:78

Eṛe katha roṛte ińakʼ lokshan lạgitʼ bạḍạiko doko lajaokʼma; menkhan iń do amakʼ ạn ạriko reaṅgeń ganḍonjoṅa.

Amos 5:2

“Kũạri kuṛi Israel doe gurena, ar tishõ bae beretʼ daṛeakʼa; uni do acʼakʼ ot reye giḍi ocoakana, ar uni berede lekan do celege bạnukʼkoa.”