Jirimiạ 50:15 - সান্তালী বাইবেল

¹⁵ Uni beṛhaete uni upạrte lạṛhại reakʼ andoṛpe. Uni doe bhagao ocoakana, uniyakʼ rurukhiyạ bebosta do rạputʼ akana ar uniyakʼ pạcri do lạnduṛ akantaea. Probhu Isor do uni cetanreye hala hạlikʼkana, ape hõ halawaepe. Eṭakʼko cetʼ lekae ceka akawatʼko ape hõ uni onkawaepe.

Jirimiạ 50:15 Referans Kwoze

Jirimiạ 51:58

Babel reakʼ moṭa pạcri rạputʼkate soman ocokʼa ar ona reakʼ usul phaṭok duạrko do seṅgelte ḍahao maraokʼa. Hoṛko do ạuṛiyakʼgeko laṅga ocokʼa, ar jạt jạtrenkoakʼ khaṭaokʼ reakʼ kuṛại do seṅgelte lo roṅgo cabakʼa.”

Johan sodor 18:6

Ar eṭakʼko tulucʼ cetʼ lekae beohar akatʼ onkage acʼ sãote hõ beoharpe; uniyakʼ kạmiko leka purạ puri kuṛại emaepe. Okaṭakʼ bạṭire uni do eṭakʼko lạgitʼ bạṛicʼakʼe mesaletʼ tahẽkan, onare uniyakʼ purạ sạjại mesalkate jom ocoyepe.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Rak̕joṅ 5:6

Ale do jomakʼko ńama iạte Misor ar Ạsurrenko gobolrenkole hoyakana.

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Jirimiạ 51:14

Phạdkoren Probhu Isor do acʼakʼ ńutumte kiriạkateye meneda, “Iń do khạṭige mitʼ jhãk pohoko leka hoṛkote amiń perecʼmea, ar am cetanre jitạukʼ reakʼ iń andoṛa.”

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

2 Bõsbudạ 30:8

“Aperen hapṛamko leka hoṭokʼ do alope keṭejtapea bickom Probhu Isorakʼ tire jimạkʼpe. Ar okaṭakʼ sonot oṛakʼ uni do jaejug lạgitʼ acʼ ńutumteye begar dohoakatʼ ape do ona oṛakʼte hijukʼpe ar aperen Probhu Isor sewawaepe jemon ape cetan khon uniyakʼ botoranakʼ edre ocogokʼtae.

1 Bõsbudạ 29:24

Sanam mukhiyạko ar lạṛhại phạdko ar Dạud rajren eṭakʼ hoponko jotoge Solomon tabere tahenko aṅgockeda.

Johan sodor 19:2

ente uniyakʼ bicạr do sạri ar dhoromgea. Okoe acʼakʼ loṭghuṭite goṭa dhạrtiye bhõnḍ akatʼ tahẽkan uni maraṅ kusmbi do Isor sạjạiye emadea ar acʼren golamkoakʼ mãyãm reakʼ unireye halakeda.”

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Romiko lạgitʼ Pạul Apostolakʼ ciṭhi 12:19

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Romiko lạgitʼ Pạul Apostolakʼ ciṭhi 3:5

Menkhan aboakʼ behokakʼ kạmiko khon arhõ pusṭạute bujhạukʼ kana, Isor do jaoge hok reakʼe kạmikana. Enḍekhan cetʼ bon menkea, aboe sạjạiyetʼ bonre uni doe behokeda? Iń do manwa lekateń roṛeda, sạrige uni do tishõ bae behoka.

Luk 21:22

ente noako din do sạjạiyokʼ dinge hoyokʼa, ar onate sonot sostorre oka ol menakʼ ona do purạukʼa.

Mathae 7:2

ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Jeheskel 21:22

Uniyakʼ jojom ti reakʼ gulibãṭ do paṛao akana Jerusalem lạgitʼ, ona doe lạiyaekana lạṛhại andoṛ rakab lạgitʼ, phaṭok duạrko upạrte sobokʼ bhugạkʼakʼkoe jut aroe lạgitʼ, pinḍhạko upʼ rakab lạgitʼ, ghekʼrao buruńjko benao lạgitʼ.

Jeheskel 17:18

Ente uni do bondobose rạputʼakada ar kiriại neṅghao akada. Uni tabere tahen reakʼe bondobosletʼre hõ noae kạmi akatʼte rehay do bae ńama.

Jirimiạ 51:64

Ona tayomem mena, ‘Nonkage Babel hõ unumokʼa, ar baṅ rakapʼa, ente Probhu Isor do ona cetanre muhine ạguiya. Uni doe marao utạrokʼa.’ ” Jirimiạ reakʼ katha do nonḍege mucạtʼena.

Jirimiạ 51:36

Ona iạte Probhu Isore meneda, “E Jerusalem, iń doń am sejokʼa ar am huyạteń hala hạlikʼa; uniyakʼ jalapuri doń rohoṛtaea ar sanam bhumbuk koń ańjetʼ ocoytaea.

Jirimiạ 51:25

Probhu Isore meneda, “E jarkharicʼ buru, am do goṭa dhạrtiren makʼraoicʼ kanam; iń do am upạrte minạńa. Iń do am upạrte ińakʼ tiyiń tiạra ar cạṭạni khoniń kunḍlạń ńurhạmea ar am do mitʼṭecʼ lo ceḍe buru lekań hoyocomea.

Jirimiạ 50:14

“E dhinkiạko, ape do jotoge lạṛhại lạgitʼ Babel beṛhaete teṅgokʼpe. Uni secʼ sar tuńpe. Okaṭakʼ sar hõ alope mãyãwakʼa, ente uni do Probhu Isor birudreye kại akada.

Jesaea 63:4

Ńitokʼ do chakʼḍao reakʼ okte hecʼakana; ar hala hạli reakʼ oka okteń ṭhik dohoakatʼ ona hõ hecʼ seṭerena.

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;

Jesaea 59:17

Uni do koṛam aḍtae lạgitʼ dhoromgeye horokʼana ar bohokʼre do babańcaoge. Uni do hala hạli reakʼ kicricʼe horokʼkeda ar edre do kicricʼ leka hoṛmoreye oyowana.

Sereńko 149:7

jemon onko do jạtrenko cetanreko hala ruạṛ daṛeakʼ ar onko hoṛko sạjại daṛeako,

Sereńko 94:1

E Probhu Isor, am do hala ruạṛicʼ Isor kanam, E hala ruạṛicʼ Isor, amakʼ marsal baṛe sodorokʼma.

1 Samuel 15:33

Menkhan Sạmuele menkeda, “Amakʼ tarwaṛete ḍher maejiukoren hoponko gocʼ ocoakan onkage maejiuko talare eṅgamren hopon hõe adokʼtaea.” Ar niạ katha menkate Sạmuel do Gilgolre Probhu Isor samaṅre Og raj doe samakʼ khanḍa khunḍikedea.

Josuạ 6:20

Sakwa saḍe são sãote hoṛko do ãṭ aṛaṅteko hohokeda. Ar sakwa saḍe iạte tinre hoṛko do ãṭ aṛaṅteko hohokeda unre Jerikho nagraha reakʼ pạcri do lạnduṛ ńurena. Onate sanam hoṛ do nagraha bhitriteko boloyena arko dokholkeda.

Josuạ 6:5

Ar tinre naekeko do mitʼ dhãote sakwako oroṅa unre sanam hoṛko ãṭ aṛaṅtepe hohoya. Onate nagraha reakʼ pạcri bhit do lạnduṛ ńurokʼa ar Israelko do onateko decʼ bolokʼa.”

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.

Dosar Biboron 32:41

Ińakʼ malkaokʼkan tarwaṛe iń doń lasertińạ, ar bicạr reakʼ ray purạu lạgitʼte ona doń saba, ar ińren bạirikoń sạjạikoa, okoe ińko hirkhạwạń onko do kuṛạiyiń emkatakoa.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Jirimiạ 50:25

Ińakʼ khanḍa bhanḍa reakʼ oṛakʼ jhicʼkate ińakʼ edre reakʼ khanḍa bhanḍakoń oḍok ạguiya, ente phạdkoren Probhu Isor do Babelrenko upạrte mitʼṭecʼ kạmi reakʼ menakʼtaea.

Jirimiạ 50:44

Jordan reakʼ bir khon cetʼleka dhạcri kul do mońj ạtiń ṭạnḍire sikạr lạgitʼe oḍokʼ hijukʼ onkage mitʼ ripitʼre Babelrenko do akoakʼ disạm khoniń laga ńirkoa. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jirimiạ 51:24

Probhu Isore meneda, “Babel ar Baelre tahenko Sionre oka behokakʼko kạmiakatʼ onko do apeakʼ mẽtʼ samaṅrege kuṛạiyiń emakoa.”

Jirimiạ 51:30

Babelren birbanṭako do lạṛhạiko thirakana; onko do akoakʼ gaṛrege menakʼkoa. Onkoakʼ daṛe do ńurentakoa; ar maejiuko lekako nijor akana. Onkoakʼ tahen ṭhạ̃i do seṅgelteko jeretʼ akatʼtakoa; Babel reakʼ sanam phaṭok duạr reakʼ huṛkạṛko do rạputʼ ocoakana.

Jesaea 59:18

Ar hoṛ okako ceka akatʼ onage uni doe ruạṛakoa; ar okoe acʼ secʼrenko baṅkan onko cetanre acʼakʼ edreye dulakoa ar bạṛicʼ kạmi reakʼ sạjạiye emakoa. Uni do sạṅgiń disạmren hoṛkoakʼ kuṛại hõe emkatakoa.