Jirimiạ 50:14 - সান্তালী বাইবেল

¹⁴ “E dhinkiạko, ape do jotoge lạṛhại lạgitʼ Babel beṛhaete teṅgokʼpe. Uni secʼ sar tuńpe. Okaṭakʼ sar hõ alope mãyãwakʼa, ente uni do Probhu Isor birudreye kại akada.

Jirimiạ 50:14 Referans Kwoze

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Habakkuk 2:17

Lebanon cetanre oka santaoem calao akatʼ ona do purạtege amre hijukʼa ar onḍenko janwarem gocʼ akatʼkote ńitokʼ do janwarge amko botor ocomea. Am do manwakoakʼ mãyãmem joro ocoakada ar disạm, nagraha ar onḍenko sanam hoṛkom santao akatʼkoa.

Habakkuk 2:8

Aema jạtren hoṛkoakʼ dhonem luṭ akatʼte onko jạtren sarecʼ hoṛ do amakʼ dhonko luṭtama. Ente am do manwakoakʼ mãyãmem joro ocoakada; ar disạm, nagraha ar onako talaren sanam hoṛkom santao akatʼkoa.

Jirimiạ 50:42

Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.

Jirimiạ 50:9

Iń do utạr reakʼ disạm khon maraṅ maraṅ jạtrenkoń jarwakoa ar onkoń buskukote Babel upạrteń ạgukoa. Onko do Babel upạrte lạṛhại phạdko sapṛaokoa ar onako ạidạrijoṅa. Onkoakʼ sar do gạkhuṛ birbão hoṛko leka baṅ ạuṛiyagokʼtakoa.

Jirimiạ 50:7

Ar jãhãege onkoko ńametʼko onkogeko tạhuṛetʼkoa; onkoren bạiriko meneda, ‘ale do dusi dole baṅkana, ente Probhu Isor upạrte, onkoakʼ sạriyakʼ reakʼ ạtiń ṭạnḍi upạrte, onkoren hapṛamkoren asicʼ uni Probhu Isor birudre onko doko kại akada.’

Johan sodor 17:5

Uniyakʼ moloṅre nonkan ńutum ol tahẽkana one ona reaṅ mitʼṭecʼ okoakʼ menakʼ. Ona ńutum do kana, “Maraṅ Babel, kusmbiko ar dhạrti reakʼ joto hirkhạwakʼkoren eṅgat.”

Jirimiạ 51:27

“Ape do disạmre nisạn rakabtape. Ar jạt jạtrenko upạrte siṅgạ oroṅpe. Uni upạrte lạṛhại lạgitʼ jạtrenko sapṛao dohokope; uni upạrte Ararot, Mini ar Askenasren rajko hohoakope. Uni upạrte mitʼṭen subedar bahalepe; ar sobotʼ sobotʼ pohoko leka ạḍi utạr sadom kolkope.

Jirimiạ 51:2

Ar Babel do ekʼwer lạgitʼ ar uniyakʼ disạm jarkharokʼ lạgitʼ uni ṭhen bidisiạkoń kolkoa; onko do muhin hilokʼ beṛhae secʼ khon uni upạrteko teṅgona.

Jirimiạ 50:11

“E Babelrenko, ape do ińakʼ ạidạripe luṭ akawana ar onatepe rạskạkʼ kana, arpe kusikʼ kana. Ape do phosol enokʼkan mĩhũ lekape don baṛaekana ar khacaṛ sadom lekape hinhạukʼ kana;

Jirimiạ 49:35

“Iń phạdkoren Probhu Isorgeń meneda, iń do Elamrenkoakʼ akʼ kạnạń, onkoakʼ asolakʼ khunṭi doń rạputʼ giḍiya.

Jirimiạ 46:9

E sadomko, ape do ńir bhiṛạukʼpe. E rãt gạḍiko, ape do giṛgiṛạu baṛaepe. E birbanṭako, ḍhal akʼsenkan Kusren ar Puṭren hoṛko, ar Ludren dhinkiạko, ape do laha idikʼpe.

Jesaea 13:4

Ańjompe, buru boṭkocʼ cetanre ḍher hoṛkoakʼ sabadge ańjomokʼ kana. Ańjompe, sanam jạtren ar rajosṭiren hoṛ do jarwa mitʼkateko gulmaletʼkana. Phạdkoren Probhu Isor do lạṛhại lạgitʼ phạdkoe sajaoetʼkoa.

Jesaea 5:28

Onkoakʼ sar do dhargetakoa, onkoakʼ akʼ do ṭuniạuge menakʼtakoa; onkoren sadomkoakʼ khurạ do cok muki dhiri leka jhalkaokʼ kana, ar onkoakʼ rãt gạḍiko reakʼ pạ̃ihạ̃ko do hoe bharḍo leka.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

2 Samuel 10:9

Joab doe ńelkeda acʼ samaṅ secʼ ar acʼ tayom secʼre Aramren lạṛhại phạdkoko sapṛao akana. Onate uni do acʼren lạṛhại phạdko tala khon adomkoe bachaoketʼkote onko upạrteye thạrketʼkoa.

1 Samuel 17:20

Dạud do ạḍi setakʼre beretʼkate mitʼṭen gupiyicʼ ṭhen acʼren bhiḍiko reakʼ bhare emadea. Ona tayom Jisạiakʼ hukum leka joto jinisko hataokateye mohnḍayena. Uni do tinre ḍera ṭhene seṭerena unre Israelren lạṛhại phạdko do rạgạu hohoate sạr sạrteko oḍok hijukʼkan tahẽkana.

Jirimiạ 49:14

Probhu Isor ṭhen noa sombatiń ańjom akada je, mitʼṭen goḍet do jạt jạtrenko ṭhene kol ocoakana. Uniye meneda, “Edomre jhãp em lạgitʼ jarwakʼpe. Ar lạṛhại lạgitʼ beredokʼpe.”

Jirimiạ 51:3

Babelren dhinkiạko do akoakʼ akʼ aloko ṭuniạutakoma se akoakʼ mẽṛhẽtʼ aṅgrop hõ aloko horogma. Uniren juạnko do alope aṛakʼkoa; uniren lạṛhại phạdko dope marao utạrkoa.