Jirimiạ 50:1 - সান্তালী বাইবেল

¹ Babel, metakʼme Babelrenkoakʼ disạm reaṅ Jirimiạ nạbi hotete Probhu Isor do noa kathae menleda,

Jirimiạ 50:1 Referans Kwoze

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

Aposkạmi 7:4

“Onate uni do Kạldikoakʼ disạm bạgikate Haran nagrahare senkateye berelena. Ar ńit oka disạmrepe girobasokʼ kan Isor do Abraham nonḍegeye kolledea uniren apattetʼe gocʼen tayom.

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Jesaea 23:13

Kạldikoakʼ disạm beṅgetʼakʼpe; mitʼ okte uniren hoṛko do celege bako baḍaeyetʼko tahẽkana. Ạsurrenko Babel do hahaṅkarren janwarkoakʼ ṭhạ̃iko hoy ocoakada, menkhan Babelrenko do Tur upạrte jhãp em lạgitʼ pahra oṛakʼ leka usul usul rãt gạḍiko benao akada, ar uniyakʼ maraṅ maraṅ oṛakʼko luṭ akada ar dhaṅ dhaserakʼ ḍạṅ lekako hoyocoakada.

Jobakʼ 1:17

Dosaricʼ hoṛ do unhõ kathae roroṛkan tahẽkanrege ar mitʼ hoṛ do hecʼkateye khobore lạikeda, “Kolodiạko do pe hạṭińte hạṭińkate amren ũṭkoko idiketʼkoa. Onko do amren gutikoko gocʼketʼkoa. Ar am khoboram lạgitʼ eken iń eskargeń paskao akana.”

2 Samuel 23:2

Probhu Isorren Jiu do iń hotete kathae roṛeda, uniyakʼ katha do ińakʼ luṭire menakʼa.

Genesis 11:31

Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

Genesis 10:10

Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

Johan sodor 14:8

Tayomte dosaricʼ ar mitʼṭen serma goḍet do uni tayom tayomte hecʼkateye menkeda, “Ona Babel nagraha do ḍahao maraoena. Okaṭakʼ nagraha do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoletʼko ona naṅgrha do ḍahao marao akana.”

Genesis 11:9

Ar onate ona jaega reakʼ ńutum do Babele dohokeda, ente onḍege Probhu Isor do dhạrti reakʼ pạrsiye gaḍbaḍao ocoketʼtakoa. Ar onḍe khonge uni do goṭa dhạrtiye pasnaoketʼkoa.

2 Rapajko 17:24

Asurren raj do Israel hoṛkoakʼ jaega purun lạgitʼ Babel, Kuth, Awa, Hamat ar Sepharwayim khon hoṛko ạgukate Samariạ nagraha ar atokoreye dohoketʼkoa. Ar onko do onako jaegare girobasokʼko ehopʼena.

Jirimiạ 25:12

Menkhan eaegel bochor purạulen khan iń do Babelren raj ar uniyakʼ jạtrenko do onkoakʼ behokakʼ iạteń sạjạikoa ar Babel disạm do jaejug lạgitʼ iń ḍahao maraoa.

Daniel 1:1

Jihudạren raj Jehoyakimakʼ rajokʼ tesarakʼ bochorre Babelren raj Nebukadnesar do Jerusalemte hecʼkate nagrahae gherao ạcurkeda.