Jirimiạ 49:37 - সান্তালী বাইবেল

³⁷ Ar okoe onko gocʼko reakʼko monejoṅ onko bạiriko samaṅrege iń do Elamrenkoń dhaṅdhaserkoa; ińakʼ jolokʼkan edre do onko cetanreń paṛao ocoya. Ar ạuriko cabakʼ hạbicʼ onko upạrte tarwaṛeń kola.

Jirimiạ 49:37 Referans Kwoze

Jirimiạ 9:16

Ar nonkan boṅgan hoṛ jạtrenko talareń chirchạturkoa okoe do akohõ baṅ ar akoren hapṛamko hõ bako baḍae akatʼko. Ar ạuriko marao utạrko hạbicʼ onko tayom tayomte lạṛhạiyiń kola.’ ”

Jirimiạ 48:2

Moab do ar bae sarhao ocokʼa; uniyakʼ ńurokʼ lạgitʼ hoṛko do Hesbonre soṛojontro tulucʼko mena, ‘dela, abo do onko jạtren bon marao utạrkoa.’ E Madmen, am hõm marao ocokʼa; tarwaṛe do ame khudạumea.

Jeheskel 32:23

Onkoakʼ topa do Seol reakʼ khandṛaṅre menakʼa ar uniren lạṛhại phạdko do uniyakʼ topa beṛhaeteko gocʼ akana. Jiwetʼkoakʼ disạmre okoe do botorko unạnakatʼ onko sanamge lạṛhạireko gocʼ ocoakana.

Jeheskel 12:14

Uni beṛhaete sanamko, metakʼme uniren kạmiyạko ar uniren sanam lạṛhại phạdko do beṛhaeteń chirchạturkoa ar tarwaṛeteń lagakoa.

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Jeheskel 5:2

Ar tinre nagraha reakʼ gherao dinko cabakʼa unre ona upʼ reakʼ pe hạṭiń reakʼ mitʼ hạṭiń do nagraha talare seṅgelrem atar giḍikakʼa. Ar pe hạṭiń reakʼ mitʼ hạṭiń upʼ do tarwaṛete nagraha beṛhaetem samakʼ kuṭrạya, ar pe hạṭiń reakʼ mitʼ hạṭiń upʼ do hoerem uḍiạu gotʼkakʼa. Ar ona tayom tayomte iń do tarwaṛeń kola.

Jirimiạ 50:36

Uniren bhonḍ nạbiko upạrte hõ tarwaṛe menakʼa; onko do lelhako hoyokʼa. Uniren birbão hoṛko upạrte hõ tarwaṛe menakʼa; onko do botor caṛhaoakoa.

Jirimiạ 49:29

Hoṛko do onkoakʼ tạmbuko ar onkoren ạsul janwarkoko hatkoa ar onkoakʼ sanam jinisko, tạmbu reakʼ orwalko ar ũṭkoko idikoa. Ar hoṛko do ãṭ aṛaṅteko ańjomakoa, ‘torasge, beṛhaete torasge!’ ”

Jirimiạ 49:24

Damesek doe lạbṛukʼ akana, uni do dạṛ lạgitʼe ruạṛ akana ar botor caṛhao akadea; bedonokʼkan maejiu leka bedon rakapʼ akawadea.

Jirimiạ 49:22

Ńelpe, onkoren bạiri do pajhaṛ leka coṭteye uḍạukʼa ar Bosra cetanre phạ̃kṛạ̃kʼe lap lapaete sã sãye pheḍ hijukʼa. Enhilokʼ Edomren lạṛhại phạdkoakʼ mon do bedonokʼkan maejiuakʼ mon leka hoyokʼtakoa.

Jirimiạ 49:5

Iń phạdkoren Probhu Isorgeń meneda, am beṛhaeten sanamko ṭhen khon amre heṛan botoriń ạguiya. Ape mimitʼko dope laga ńir ocokʼa; ar dạṛjoṅ hoṛ do okoehõ bako samṭaokoa.

Jirimiạ 48:39

Uni doe talga tạuạkʼ akana! Uni do sanam hoṛko lạgitʼe homor halaṅeda! Moab do cetʼleka lajaoteye dea akada! Uni do beṛhaeten sanam hoṛko ṭhen landa-dhutʼicʼe hoyakana, uniyakʼ dosa ńelte onko hoṛ doko toras akana.”

Jirimiạ 30:24

Probhu Isorakʼ sana purạpuri kạmire ạuri lagaokʼ hạbicʼ uniyakʼ botoranakʼ edre do baṅ ruạṛtaea. Tayom daram dinkore hõ noa dope bujhạu daṛeakʼa.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jirimiạ 49:38

Iń do Elamre siṅghạsoniń bạisạua ar uniren raj ar kạmiyạko hõń maraokoa,

Jirimiạ 9:15

Ona iạte iń do Israelren phạdkoren Probhu Isor ńutumte noa kathań roṛeda, ‘ńelme, noko hoṛ do haṛhatʼ jomakʼ ar bis dakʼ iń ńũ ocokoa.