Jirimiạ 49:36 - সান্তালী বাইবেল

³⁶ Iń do serma reakʼ beṛhae khon ponea hoe Elom upạrteń ạguiya. Ona hoe do onko beṛhaeteń pasnaoa; ar Elame sạṅgiń akatʼko bondiko do sanam jạtrenko talareń chirchạturkoa.

Jirimiạ 49:36 Referans Kwoze

Jirimiạ 49:32

Onkoren ũṭko do luluṭren malko hoyokʼa ar onkoren ạsul janwarko do luṭren jinisgeko hoyokʼa. Okoe do bohokʼ upʼko kaṭopʼetʼkan onko do beṛhaeteń chirchạturkoa ar onko cetanre joto secʼ khon muhiniń ạguiya.

Johan sodor 7:1

Niạ tayom iń do ponea serma goḍetko dhạrti reakʼ ponon konḍre teṅgo akaniń ńelketʼkoa. Onko do dhạrti ponon kona reakʼ hoeko esetʼ dohoakatʼ tahẽkana, jemon dhạrtire, jalapurire se jãhãn dare cetanre aloe hoe.

Amos 9:9

Iń do hukumiń emokʼa, ar calate guhum cetʼlekako calae onkage sanam jạtrenko tala khon Israel bõsrenkoń calakoa, menkhan muṭkuri do mitʼṭecʼ hõ otre baṅ ńurokʼa.

Daniel 8:8

Merom do ạḍiye daṛe idiyena, menkhan uni do tinre acʼakʼ mucạtʼ daṛereye hoyena unre uniyakʼ lạṭu dereń do rạputʼentaea ar ona jaega beṛhaete ponea ńel ńamokʼ leka dereń rakapʼena.

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

Daniel 11:4

Ar uniye upelokʼ tayom uniyakʼ rajosṭi do rạpudokʼte pon hạṭińokʼtaea. Uniyakʼ rajosṭi do acʼren bõsrenkoakʼ tire do baṅ calakʼa; ar ona rajosṭiko okoeyakʼ tire calakʼa onko do lahaten raj leka daṛe do bako hoyokʼa, ente onkoakʼ rajosṭi do jarkharokʼte eṭakʼkoakʼ tire calakʼa.

Daniel 8:22

Rạputʼ akan dereń reakʼ jaegare ona ponea dereń do hoyokʼ kana ponea rajosṭi one onko do jạtrenko tala khonko oḍok hijukʼa menkhan ona rajosṭikoren rapajko do pạhil rapaj leka ektiạri do baṅ tahentakoa.

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Jesaea 56:8

Probhu Isor, okoe do chirchạtur akan Israelkoe jarwako uni do noa kathae meneda, “Okoe lahareko samṭao ocoakan onko sãote iń do eṭakʼ jạtren hoṛko hõń samṭao jarwakoa.”

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Sereńko 147:2

Probhu Isorge Jerusalem doe benao rakaba; ar unige chirchạtur akan Israelkoe jarwakoa.

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Sakariạ 6:5

Uni doe roṛ ruạṛạdińa, “Noako do serma reakʼ ponea hoe kana; goṭa dhạrtirenko Probhu Isor samaṅreko teṅgolen tayom noko doko oḍokʼ hijukʼa.