Jirimiạ 49:32 - সান্তালী বাইবেল

³² Onkoren ũṭko do luluṭren malko hoyokʼa ar onkoren ạsul janwarko do luṭren jinisgeko hoyokʼa. Okoe do bohokʼ upʼko kaṭopʼetʼkan onko do beṛhaeteń chirchạturkoa ar onko cetanre joto secʼ khon muhiniń ạguiya.

Jirimiạ 49:32 Referans Kwoze

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Jirimiạ 49:36

Iń do serma reakʼ beṛhae khon ponea hoe Elom upạrteń ạguiya. Ona hoe do onko beṛhaeteń pasnaoa; ar Elame sạṅgiń akatʼko bondiko do sanam jạtrenko talareń chirchạturkoa.

Jirimiạ 25:23

Dedan, Tema, Bus disạmren hoṛko; bohokʼ upʼ gegetʼ hoṛko;

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Jirimiạ 9:25

Probhu Isore meneda, “Nonkan dinko hijukʼkana tinre iń do Misorre, Jihudạre, Edomre, Amonre, Moabre ar hahaṅkarreko girobasokʼ kan, okoe do bohokʼ banarsa aṛe reakʼ upʼko kaṭopʼetʼtako onko sanamkogeń sạjạikoa. Onko do eken hoṛmo motoko khatna akana, ontor do baṅa; Israelko hõ ontor do bako khatna akana.”