Jirimiạ 49:29 - সান্তালী বাইবেল

²⁹ Hoṛko do onkoakʼ tạmbuko ar onkoren ạsul janwarkoko hatkoa ar onkoakʼ sanam jinisko, tạmbu reakʼ orwalko ar ũṭkoko idikoa. Ar hoṛko do ãṭ aṛaṅteko ańjomakoa, ‘torasge, beṛhaete torasge!’ ”

Jirimiạ 49:29 Referans Kwoze

Jirimiạ 46:5

“Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.

Jirimiạ 6:25

Nagraha bahrete alope oḍok calakʼa se kulhikore hõ alope dãṛãna, ente bạirikoakʼ tire do tarwaṛe menakʼa ar goṭage bạṛicʼ botor menakʼa.

Habakkuk 3:7

Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Sereńko 120:5

Hae ińakʼ bhạg do tinạkʼ bạṛicʼ! Iń do Mesekrenko leka upriạ minạńa, ar Kedarren hoṛkoakʼ tạmbureń berel akana.

2 Korinthiko 7:5

Makedoniạte seṭerkatere hõ hoṛmore jãhãn aosan bale ńamlakʼa; ale do joto secʼ khonge dukle ńametʼ tahẽkana; ar sanam secʼge gulmal ar ontorre botor tahẽkana.

2 Korinthiko 4:8

Ale do sanam secʼ khongele cipạ ocokʼkanre hõ bale mon duk akana; arle andmandao akanre hõ bale as chuṭạu akana;

Jirimiạ 49:24

Damesek doe lạbṛukʼ akana, uni do dạṛ lạgitʼe ruạṛ akana ar botor caṛhao akadea; bedonokʼkan maejiu leka bedon rakapʼ akawadea.

Jirimiạ 10:20

Ińakʼ tạmbu do jarkhar akana; ona reakʼ sanam baberko topakʼ akana. Ińren hoponko do iń ṭhen khonko oḍok calao akana, onko do ar bạnukʼkoa; ińakʼ tạmbu ar ona reakʼ orwal ṭaṅgao lạgitʼ ńitokʼ do celege bạnukʼkoa.

Jirimiạ 4:20

Muhin cetan muhin do hijukʼkana; goṭa disạmge dhaṅdhaserokʼa. Ar thoṛa ghạṛicʼ khange ińakʼ tạmbuko, ar ackage ińakʼ tạmbu reakʼ orwalko do jarkharokʼtińạ.

Jesaea 60:7

Kedarren pal bhiḍiko do am ṭhenko hecʼ jarwakʼa, Nebayotren bheḍako do amakʼ kạmireko lagaokʼa; ińakʼ pinḍre samaṅokʼakʼ lekate iń do onakoń ataṅa, ar ińakʼ ṭhonokʼ reakʼ oṛakʼ do artetʼgeń ṭhonok ocoya.

Jesaea 13:20

Onare do ar tishõ bako tahena se piṛhike piṛhi celege onḍe do bako girobasokʼa. Arobrenko hõ onḍe do tạmbu bako ṭaṅgaoa, jãhãe gukʼpiko hõ onḍe akoren palko bako aḍakoa.

Sereńko 31:13

Iń reaṅ ạḍi hoṛko oktayetʼkan ona hõń ańjometʼgea, iń beṛhaete do botorge menakʼa. Onko do iń upạrte mitʼ sãoteko solha joṅkana, ar gojeń lạgitʼko soṛojontro kana.

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

Bikʼcạrko 8:26

Onate tinạkʼ sonae ńamketʼ ona reakʼ ojon do bargel keji mõṛẽsae gram hoyena. Ona chaḍa uniyakʼ ńamakʼ condro-har, jhur jhuri, Midiạnren rajkoakʼ horokʼakʼ beguni kicricʼko se ũṭkoakʼ hoṭokʼ reakʼ malako do baṅ sapʼlena.

Bikʼcạrko 8:21

Unre Seba ar Salmuna tạkin kin menkeda, “Amge hecʼkate gocʼlińme, ente am cetʼleka onkage amakʼ kạmiko hõ.” Onate Gideon do hecʼkate unkine gocʼketʼkinạ ar unkinren ũṭakʼ hoṭokʼre tahẽkan condro-har doe raṛa hataokeda.

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

Bikʼcạrko 6:5

Onko do akoren ạsul janwarko ar tạmbuko salakʼ pohoko leka jhãke jhãkko hijukʼkan tahẽkana.

Genesis 37:25

Ona tayom Josephren dadattetʼtako do jom-ńũiy lạgitʼko duṛupʼen khan Ismaelren bạnij-beparko Gilead khon hijukʼko ńelketʼkoa. Onko do ũṭre decʼkate jut so mosola, ran sunum ar gondhorosante Misor disạmteko calakʼkan tahẽkana.

Jirimiạ 49:5

Iń phạdkoren Probhu Isorgeń meneda, am beṛhaeten sanamko ṭhen khon amre heṛan botoriń ạguiya. Ape mimitʼko dope laga ńir ocokʼa; ar dạṛjoṅ hoṛ do okoehõ bako samṭaokoa.