Jirimiạ 49:18 - সান্তালী বাইবেল

¹⁸ Iń Probhu Isorge noa katha doń meneda, aḍepase atoko sudhạ cetʼ leka Sodom ar Gomorań ḍahao maraoletʼ onkage Edomre hõ celege bako girobasokʼa; onare cele manwage bako tahena.

Jirimiạ 49:18 Referans Kwoze

Jirimiạ 49:33

Hasor do toyokoakʼ tahen reakʼ ṭhạ̃i ar jaejug ujạṛakʼge hoyokʼa. Onḍe do okoe hõ bako girobasokʼa, ar cele manwage onare do bako tahena.”

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Jirimiạ 50:40

Ar beṛhaeteakʼ atoko sudhạ cetʼ leka Sodom ar Gomorań ḍahao maraoletʼ, onkage onḍe do celege bako girobasokʼa; ar onare cele manwage bako tahena. Iń Probhu Isorge noa katha doń meneda.

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako botorae onko do cetʼ dosa hoyokʼ takoa mente;

Jesaea 34:10

Siń ar ńindạ tishõ ona do baṅ ĩṛĩjokʼa; jaejug ona reakʼ dhũạ do coṭte rakabokʼa. Piṛhike piṛhi ona do khạli akaege tahena; ona talate tishõ okoege bako senokʼa.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Romiko lạgitʼ Pạul Apostolakʼ ciṭhi 9:29

Jesaea do arhõe roṛleda, “Sanam daṛeanicʼ Probhu Isor do bõsko aloe sarecʼ abon khan enḍekhan Sodom ar Gomora nagraha leka bon hoykokʼa.”

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Dosar Biboron 29:22

“Nonkate noa disạm cetanre oka hạnko hijukʼ ar Probhu Isor okako rog bighin noa disạm cetanreye kol ona reaṅ aperen bõsko ar sạṅgiń disạm khon hijukʼkan bidisiạko hõ noako ńela.