Jirimiạ 49:17 - সান্তালী বাইবেল

¹⁷ “Edom reakʼ dosa ńelte hoṛko torasokʼa; ar okoe ona aṛeteko parom calakʼ onko do botor caṛhaoakoa ar uniyakʼ sanam ghạl iạte uniko landa-dhutʼaea.

Jirimiạ 49:17 Referans Kwoze

Jeheskel 35:7

Seyir buru do ujạṛakʼ ar dhaṅdhaserakʼ ṭhạ̃i iń hoeocoya ar okoe onḍeko bolo oḍokokʼ onko jotogeń marao utạrkoa.

Jirimiạ 50:13

Probhu Isorakʼ edre iạte okoehõ onare do bako girobasokʼa, ona do ujạṛ utạrakʼ ṭhạ̃ige hoyokʼa. Ar Babel aṛete okoeko parom calakʼ onko jotogeko torasokʼa ar uniyakʼ sanam duk iạteko landa-dhutʼaea.

Jirimiạ 49:13

Iń do ińakʼ ńutumteń kiriạkʼ kana, Bosra doe marao utạrokʼa ar hirkhạwạnicʼe hoyokʼa. Uniyakʼ dosa ńelte hoṛko torasokʼa ar uniyakʼ ńutumko sarapakʼa. Uniyakʼ sanam ato ar nagrahako do jaejug ujạṛakʼge hoyokʼa.”

Jirimiạ 51:37

Babel do ujạṛ akatʼ ḍạṅge hoyokʼa, toyokoakʼ tahen ṭhạ̃ige hoyokʼa ar landa-dhutʼakʼ ṭhạ̃i hõ. Onḍe do celege bako girobasokʼa; uniyakʼ dosa ńelte hoṛ doko torasokʼa.

Jirimiạ 18:16

Ona iạte onkoakʼ disạm do potit jumi ar mitʼṭecʼ hirkhạwanakʼ jinis lekage hoyokʼtakoa; ar jãhãege ona aṛeteko parom senokʼ onko do hahaṛa tulucʼ bohokʼko rukuiytakoa.

1 Rapajko 9:8

Niạ mundil do ńitokʼ maraṅ utạrakʼ hoyakanre hõ unre ona aṛete okoeko parom calakʼ onko do unreko comkao godokʼa ar cigạrikateko mena, ‘Probhu Isor do cedakʼ niạ disạm ar niạ mundil doe nonka ocokeda?’

Sephaniạ 2:15

Noage hulạsokʼkan nagraha do one okare nirại menakʼ. Uni do mone moneteye mena, “Ińge minạńa, iń chaḍa ar celege bạnukʼkoa.” Uni do okalekae maraoena, ar bir janwarkoakʼ asray ṭhạ̃ige hoyena! Ar okoe ona aṛeteko parom calakʼ onko doko landa dhudhutʼa ar buḍhạ kạṭupʼko uduga.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Jeheskel 35:15

Ar Israelko ạidạri lekate okaṭakʼ disạmko ńamakatʼ ar ujạṛ akan ńelte cetʼ lekam rạskạkʼkan onkage iń do am sãoteń beohara. E Seyir buru, am ar Edom reakʼ sarecʼ sanam ṭhạ̃i do ujạṛ utạrakʼge hoyokʼa. Unre hoṛko baḍae daṛeakʼa, ińkangeạń Probhu Isor do.’ ”

Jeheskel 25:13

Ona iạte iń Probhu Isorgeń menetʼkana, Edom upạrte iń do tiyiń tiyạrtińạ ar onḍenko sanam hoṛ ar janwarkoń gocʼ cabakoa. Ona do dhaṅ dhaserakʼgeń hoeocoya ar Teman khon Dedan hạbicʼ hoṛko do tarwaṛeteko gujukʼa.

Dosar Biboron 29:22

“Nonkate noa disạm cetanre oka hạnko hijukʼ ar Probhu Isor okako rog bighin noa disạm cetanreye kol ona reaṅ aperen bõsko ar sạṅgiń disạm khon hijukʼkan bidisiạko hõ noako ńela.

Jeheskel 27:36

Jạt jạtrenko talaren bepariko do am ńelteko sisetʼkan tahẽkana. Ar am do mitʼṭecʼ torasgem hoyakana; ar bam tahena.’ ”

Jeheskel 35:3

Probhu Isore menetʼkana, E Seyir buru, iń do am upạrte minạńa; iń do am upạrte tiyiń tultińạ ar ujạṛ utạrakʼ ṭhạ̃igeń hoyocomea.