Jirimiạ 49:16 - সান্তালী বাইবেল

¹⁶ E dhiri paṛakʼkore girobasokʼ kan buru reakʼ usul ṭhạ̃iren ạidạriyicʼ, am dom torasanicʼ kanre hõ amakʼ ontor reakʼ bạḍạikoge am doe eṛe akatʼmea. Am do pajhaṛ cẽṛẽ leka coṭrem tukạlere hõ latarteń or pheḍ ạgumea.

Jirimiạ 49:16 Referans Kwoze

Amos 9:2

Onko do Sheol hạbicʼko la bololenre hõ ińakʼ ti do onḍe khon hõe oḍok ạgukoa. Ar coṭ sermateko rakapʼlenre hõ onḍe khoniń pheḍ ạgukoa.

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jobakʼ 39:27

Amakʼ hukumtege cetʼ pajhaṛ do coṭreye manḍrao baṛae kana ar usul jaegare acʼakʼ tukại benaoeda?

Kạhtukko 29:23

Manwa do acʼakʼ bạḍạiteye copodokʼa, menkhan mạ̃hir monan hoṛ do manote ńama.

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

Jesaea 2:21

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ malkaokʼ khon bańcaokʼ lạgitʼ maraṅ maraṅ dhiri ciritʼre ar buru reakʼ paṛakʼreko bolokʼa.

Soros sereń 2:14

E potamtiń, huṭupʼ dhiri lopakʼre tahenicʼ buru cuṛạ pakhakore menamicʼ, amakʼ rup baṛe ńel ocoyińme, amakʼ aṛaṅ baṛe ańjom ocoyińme, ente am dom cehragea ar aṛaṅ do heṛemgetama.

Kạhtukko 18:21

Moca reakʼ katharege jion ar moron do ṭehãḍokʼa; okoe lek lekan kathako roṛ onko do ona reakʼ joko ńama.

2 Rapajko 14:7

Amasiạ do buluṅ doreãore gel hajar Edomrenkoe gocʼletʼkoa ar lạṛhạikate Selae hatkeda ar ona reakʼ ńutum do Joktheyele dohokeda; ona ńutum do teheń hạbicʼ hõ menakʼgea.

Jesaea 10:14

Jãhãege cetʼleka tukại tiyog onkage iń hõ jạtrenkoakʼ dhon durib iń hatao akatʼtakoa. Ar hoṛko cetʼ leka beleko halaṅ jarwae onkage iń do dhạrti reakʼ sanam disạmiń hạr samṭao akada. Phạ̃kṛạ̃kʼ do okoehõ bako phada phuduyeda ar okoehõ bako cahapʼeda ar bako cero beroyeda.’ ”

Jirimiạ 49:15

Probhu Isore meneda, “Ńitokʼ do jạt jạtrenko talareń huḍińmea ar hoṛko talare hirkhạwạnicʼ iń hoyocomea.

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Jirimiạ 51:53

Babel do serma hạbicʼe usullenre hõ ar onḍe kajak aotan gaṛpe benaolerehõ, enhõ iń do uni upạrte jarkharicʼ iń kolea.”

Habakkuk 2:9

“Jạt jạtrenkoko mena, ‘Hae, uni do, okoe do behok reakʼ labte acʼakʼ tahen oṛakʼe benaoetʼkan jemon khạtirjomae tahẽdaṛeakʼte muhin reakʼ ti khon rukhiyại ńam.’

Jirimiạ 48:14

“Ape do cekatepe meneda, ‘birbao hoṛ kanale, ale do dilan lạṛhại bir kanale?’