Jirimiạ 49:15 - সান্তালী বাইবেল

¹⁵ Probhu Isore meneda, “Ńitokʼ do jạt jạtrenko talareń huḍińmea ar hoṛko talare hirkhạwạnicʼ iń hoyocomea.

Jirimiạ 49:15 Referans Kwoze

Luk 1:51

Uni do ti tiạrkate maraṅ daṛeakʼkoe kạmi akada; ar okoeyakʼ mon hiskạte perecʼge onko doe chir chạturakatʼkoa.

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Obodiạ 1:2

Probhu Isor do Edome metaekana, “Ńelme, jạt jạtrenko talareń huḍińmea; ar am dom nihạ̃t ocokʼa.

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

Jirimiạ 49:14

Probhu Isor ṭhen noa sombatiń ańjom akada je, mitʼṭen goḍet do jạt jạtrenko ṭhene kol ocoakana. Uniye meneda, “Edomre jhãp em lạgitʼ jarwakʼpe. Ar lạṛhại lạgitʼ beredokʼpe.”

Jirimiạ 49:16

E dhiri paṛakʼkore girobasokʼ kan buru reakʼ usul ṭhạ̃iren ạidạriyicʼ, am dom torasanicʼ kanre hõ amakʼ ontor reakʼ bạḍạikoge am doe eṛe akatʼmea. Am do pajhaṛ cẽṛẽ leka coṭrem tukạlere hõ latarteń or pheḍ ạgumea.