Jirimiạ 49:13 - সান্তালী বাইবেল

¹³ Iń do ińakʼ ńutumteń kiriạkʼ kana, Bosra doe marao utạrokʼa ar hirkhạwạnicʼe hoyokʼa. Uniyakʼ dosa ńelte hoṛko torasokʼa ar uniyakʼ ńutumko sarapakʼa. Uniyakʼ sanam ato ar nagrahako do jaejug ujạṛakʼge hoyokʼa.”

Jirimiạ 49:13 Referans Kwoze

Jesaea 34:6

Probhu Isorakʼ tarwaṛe do mãyãmte ńũ turetʼ akana; ona do itilte tol akana. Ona mãyãm do bhiḍi hoponko ar merom hoponkoakʼ mãyã leka ar itil do bheḍakoakʼ kunḍi reakʼ itil lekage, ente Probhu Isor do Bosrare mitʼṭecʼ samaṅokʼakʼ porobe hoeocoya ar Edomre do ạḍi utạr hoṛko gur ocokʼa.

Genesis 36:33

Bela gocʼ tayom Bosra nagraharen Serahren hopon Jobab do raje hoyena.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Amos 1:12

Onate iń do Teman upạrte seṅgeliń kola; ona do Bosrawakʼ gaṛkoe joma.”

Jirimiạ 49:22

Ńelpe, onkoren bạiri do pajhaṛ leka coṭteye uḍạukʼa ar Bosra cetanre phạ̃kṛạ̃kʼe lap lapaete sã sãye pheḍ hijukʼa. Enhilokʼ Edomren lạṛhại phạdkoakʼ mon do bedonokʼkan maejiuakʼ mon leka hoyokʼtakoa.

Jirimiạ 44:26

Menkhan Misorre girobasokʼ kan sanam Jihudiko, ape do Probhu Isorakʼ katha ańjompe. Probhu Isore meneda, ‘iń do ińakʼ maraṅ ńutumteń kiriạkʼ kana, Misorre jãhã ṭhạ̃iregeko girobasokʼ kan Jihudạren hoṛko do iń ńutumte kiriạkate bako mena, jiwetʼ Isor ńutumteń kiriạkʼ kana.

Jesaea 63:1

Edom reakʼ Bosra khon jeṅgetʼ arakʼ kicricʼ horokʼkate uniye hijukʼkạnicʼ, doe okoe kana? Ṭhonokte perecʼ kicricʼ horokʼkate maraṅ daṛe salakʼ daraekạnicʼ, doe okoe kana? “Iń kangeạń uni do, ińge hok reakʼ kathań roṛeda, ińge maraṅ daṛeteń babańcao kana.”

Jesaea 45:23

Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

Obodiạ 1:18

Jakobakʼ bõsren doko hoyokʼa seṅgel ar Josephakʼ bõsrenko do seṅgel reakʼ lepʼge; Esao bõsrenko do lanḍha lekako hoyokʼa ar ona seṅgel do onakoe lo torocʼkoa. Esao bõsren do celege jiwetʼ bako tahena. Iń Probhu Isorge noa katha doń meneda.”

Joel 3:19

Menkhan Misor do dhaṅdhaserakʼ ṭhạ̃ige hoyokʼa ar Edom do jarkharakʼ hahaṅkar hoyokʼa, ente Jihudạren hoṛko cetanre santao hoyakana ar onkoakʼ disạmre bin dusạnkoakʼ mãyãm joro ocoakana.

1 Bõsbudạ 1:44

Bela gocʼ tayom Bosra nagraharen Serahren hopon Jobab do raje hoyena.

Jirimiạ 18:16

Ona iạte onkoakʼ disạm do potit jumi ar mitʼṭecʼ hirkhạwanakʼ jinis lekage hoyokʼtakoa; ar jãhãege ona aṛeteko parom senokʼ onko do hahaṛa tulucʼ bohokʼko rukuiytakoa.

Jirimiạ 19:8

Niạ nagraha doń jarkhara ar landa-dhutʼakʼgeń hoeocoya; ar okoe ona aṛeteko parom calakʼ onko do ona reakʼ duk ńelte botor caṛhaoakoa arko land-dhutʼakʼa.

Jirimiạ 51:14

Phạdkoren Probhu Isor do acʼakʼ ńutumte kiriạkateye meneda, “Iń do khạṭige mitʼ jhãk pohoko leka hoṛkote amiń perecʼmea, ar am cetanre jitạukʼ reakʼ iń andoṛa.”

Jirimiạ 48:24

Keriyothre ar Bosrare, metakʼme Moab disạm reakʼ sor ar sạṅgińre menakʼ sanam ato ar nagrahako cetanre bicạr do seṭer akana.