Jirimiạ 48:46 - সান্তালী বাইবেল

⁴⁶ E Moab, hae am do! Kemosren hoṛ doko marao utạrena; ar amren hoponko do sạṅgiń disạmteko idiakatʼkoa ar amren hoponerako hõko bondi ocoakana.

Jirimiạ 48:46 Referans Kwoze

Numeri 21:29

Hae hae E am Moab! E Kemos debotaren hoṛko, ape dope dhaṅdhaser ocoakana. Kemosren hoponko doko dạṛkeda ar uniren hoponerako do Amorikoren Sihon raj ṭhenko bondi ocoakana.

Jirimiạ 48:13

Israelko Bethelre pạtiạukate cetʼlekako lajao ocolen onkage Moab hõ Kemos reaṅ iạteko lajao ocokʼa.

Jirimiạ 48:7

Am do amakʼ kạmi ar dhon cetanrem bhorsa akanre hõ am dom bondi idi ocokʼa, ar Kemos do acʼren naeke ar rajkạmiyạko sãote bondikate saṅgińteye idi ocokʼa.

1 Rapajko 11:7

Jerusalem purub reakʼ buru cetanre uni do Moabren hirkhạwạnicʼ debota Kemos ar Amonikoren hirkhạwạnicʼ debota Molok ńutumte sewawạkin lạgitʼ than boṭkocʼ koe benaokeda.

Bikʼcạrko 11:24

Amren Kemos debota okaṭakʼ ạidạriye emakawatʼme ona do cetʼ amakʼ ạidạrire bạnukʼa? Ṭhik onkage aleren Probhu Isor ale samaṅ khon okoeye laga ńir akatʼko onkoakʼ jaegagele ạidạri akawana.

2 Rapajko 23:13

Jerusalem purub secʼ dhaṅ dhaserakʼ buru reakʼ dạkhin secʼre okako than boṭkocʼ tahẽkan onako hõ uni doe bhõnḍ ocokeda. Israelren raj Solomon do Sedonikoren Astoret debota lạgitʼ, Moabikoren Kemos debota lạgitʼ ar Amonren Melok debota lạgitʼ niạko than boṭkocʼ doe benaoleda.

Jesaea 16:2

Cẽṛẽ do tukạ khon oḍok kate cetʼleka hantenateye uḍạu baṛae onkage Moabren hoṛko do Arnon gaḍa taṛam paromokʼ jaega ṭhenko ạcur baṛaea.