Jirimiạ 48:45 - সান্তালী বাইবেল

⁴⁵ “Hesbon reakʼ umulte ńir paskaoen hoṛ do latwakʼgeye teṅgo akana, ente Hesbon khon seṅgel ar Sihon reakʼ tala khon seṅgel reakʼ lepʼge oḍok akana; ar ona do Moab reakʼ simạkoe jomakada ar hulmalren hoponkoakʼ bohokʼ doe jeretʼ akatʼtakoa.

Jirimiạ 48:45 Referans Kwoze

Numeri 24:17

‘ńitokʼ baṅre hõ iń do uniń ńelńame kana, ar iń sorrene baṅkanre hõ enhõ uni doń ạritʼ edekana. Mitʼṭecʼ ipil doe rakapʼa Jakobakʼ bõsre, mitʼṭecʼ raj ṭheṅgage Israelko mod khon rakapʼ hijukʼa. Uni do Moab ar Setren hoponkoakʼ bohokʼe gejertakoa.

Numeri 21:28

Hesbon nagraha khonakʼ seṅgel do oḍok hecʼente Moab ar nagrahakoe jarkharkeda ar Arnon gaḍa aṛe girobasokʼkanko do ona seṅgelteye atarketʼkoa.

Mathae 21:42

Jisui metatʼkoa, “Sonot sostorre tis hõ bape paṛhaoakada, ‘raj mistiriko okaṭakʼ dhiriko nihạ̃t giḍiletʼ, onage konac reakʼ asolakʼ dhiri hoyena; noa do Probhu Isor khonge hoyena, ar aboakʼ mẽtʼ samaṅre do hahaṛawakʼge?’

Sakariạ 10:4

Jihudạ khonge konac reakʼ dhiri, tạmbu reakʼ gońj, lạṛhại reakʼ akʼ sar ar disạm cakʼlaokoko oḍok hijukʼa.

Amos 2:2

Onatege iń do Moab upạrte seṅgeliń kola; ona do Keriot reakʼ gaṛkoe joma. Lạṛhại reakʼ hoho ar sakwa saḍe reakʼ gulmal talare Moab doe gujukʼa.

Numeri 21:26

Hesbon do Amorikoren Sihon rajakʼ nagraha tahẽkana. Uni do Moab disạmren lahaten raj sãote lạṛhạikate Arnon gaḍa hạbicʼ sanam disạmkoe dokhol akatʼ tahẽkana.

Numeri 21:21

Israel hoponko do Amorikoren raj Sihon ṭhen hoṛ kolkateko nehõradea,

Numeri 21:29

Hae hae E am Moab! E Kemos debotaren hoṛko, ape dope dhaṅdhaser ocoakana. Kemosren hoponko doko dạṛkeda ar uniren hoponerako do Amorikoren Sihon raj ṭhenko bondi ocoakana.

Sereńko 78:63

Seṅgelte onkoren juạnkoe gocʼketʼkoa; ar onkoren kũạ̃ri kuṛiko lạgitʼ bapla sereń do baṅ hoylena.

Sereńko 135:11

Uni do Amorikoren Sihon raj, ar Bashanren Og raj, ar Kananren sanam rapajkoe gocʼletʼkoa.

Jirimiạ 2:16

Ona chaḍa Noph ar Tahaphones nagraharen hoṛko hõ am akʼ bohokʼ khạpriko posakʼ akatʼtama.

Jirimiạ 48:2

Moab do ar bae sarhao ocokʼa; uniyakʼ ńurokʼ lạgitʼ hoṛko do Hesbonre soṛojontro tulucʼko mena, ‘dela, abo do onko jạtren bon marao utạrkoa.’ E Madmen, am hõm marao ocokʼa; tarwaṛe do ame khudạumea.