Jirimiạ 48:37 - সান্তালী বাইবেল

³⁷ Onko do duk sodor lạgitʼ mitʼke mitʼ bohokʼko ceḍe akatʼtakoa ar gocoko hoyo giḍi akatʼtakoa; tiko getʼ sirạsoro akana ar ḍanḍare gõṛẽ kicricʼko horokʼ akawana.

Jirimiạ 48:37 Referans Kwoze

Jirimiạ 47:5

Gasa doe jare jarekʼa ar acʼakʼ bohokʼe ceḍeytaea; Askelon doe marao giḍi ocokʼa. E bilạn ṭạnḍiren sarecʼ hoṛko, ar tinạkʼ din apeakʼ hoṛmope getʼ sirạ soroytapea?

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Jesaea 20:2

Ar oka bochore hatketʼ inạ bochorge Probhu Isor do Amosren hopon Jesaeae metade tahẽkana, “Amakʼ hoṛmo khon gõṛẽ kicricʼ ar jaṅga khon panahe bojme.” Onate Jesaea do koṭoge ar eken jaṅgageye dãṛã baṛaekan tahẽkana.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Mark 5:5

Uni do siń ńindạ topa danderkore ar burukoreye kikiạu baṛayetʼ tahẽkana ar dhirite acʼakʼ hoṛmoe koṭecʼ sirạ soroyetʼ tahẽkana.

Mikạ 1:16

Okoe do hopon ar hoponerako iạtepe rạskạkʼkan tahẽkan onko lạgitʼ homor halaṅ iạte bohokʼ hoyo poṭorokʼpe; gidi bohokʼ leka apeakʼ bohokʼ do ceḍeytape, ente onko do bondikate ape khon sạṅgińteko idi ocokʼa.

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Jeheskel 27:31

Onko do am iạte bohokʼko hoyo munḍrạkʼa ar gõṛẽ kicricʼko horoga. Onko do mon reakʼ dukte am ńutumteko homor halaṅa ar ạḍi ãṭko raga.

Jeheskel 7:18

Onko do gõṛẽ kicricʼko paṭhejoṅa ar botorteko thartharaokʼa. Onko do lajaoteko perejokʼa ar bohokʼ doko hoyo munḍrạ ocokʼa.

Jesaea 37:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaete gõṛẽ kicricʼe horokʼkeda ar Probhu Isorakʼ oṛakʼteye boloyena.

Jesaea 3:24

Mońj so bodolte bạṛicʼ so, ḍanḍa totolakʼ bodolte baber, mońj rokʼ nạkicʼ upʼ bodolte ceḍe, damanakʼ kicricʼ bodolte gõṛẽ kicricʼ, ar mońj rup bodolte lo reakʼ dag tahena.

2 Rapajko 6:30

Maejiuakʼ katha ańjomte raj do acʼakʼ kicricʼe oṛecʼketʼtaea. Uni do unrehõ pạcri cetanreye tahẽkana. Onate hoṛkoko ńelkeda, uniyakʼ horokʼakʼ latarre do gõṛẽ kicricʼteye bande akana.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

1 Rapajko 18:28

Onate onko do arhõ ãṭ aṛaṅte hohoate memenko ehopʼena ar onkoakʼ niạm lekate hoṛmo khon mãyãm ạuriko oḍok hạbicʼ churikote getʼ cirạkʼ ar jạnumkote akoakʼ hoṛmo ghạlko ehopʼena.

Levitikus 19:28

Gocʼ hoṛko lạgitʼ rakʼ homor jokhecʼ hoṛmo alope getʼ cirạkʼa. Hoṛmore khodạ se sikạ hõ alope sikạkʼa. Iń kangeạń aperen Probhu Isor do.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

Jirimiạ 49:3

“E Hesbon, homor halaṅme, ente Ai nagraha do jarkhar akana. E Raba nagraharen hoṛko, rakʼjoṅpe; gõṛẽ kicricʼ horokʼkate homor halaṅpe. Pạcriko talare ńir baṛaepe, ente aperen debota Milkom do sạṅgiń disạmteye bondi idiocokʼa, ar uni sãote uniren naekeko ar cetan hudạren kạmiyạko hõko idiocokʼa.

Jeheskel 29:18

“E manwa hopon, Babelren raj Nebukadnesar do Tur upạrte lạṛhại jokhecʼ acʼren lạṛhại phạdko nunạkʼe khaṭaoletʼkoa je, onko sanamkoakʼ bohokʼ do ceḍelentakoa ar taren reakʼ harta hõ poṭakʼ cabalentakoa. Enhõ Tur upạrte okaṭakʼe lạṛhạilen onate uni ar acʼren lạṛhại phạdkoakʼ do cetʼ labge baṅ hoylentakoa.

1 Bõsbudạ 19:4

Hanun do unre Dạudren hoṛko sapʼkate gocokoe hoyo poṭorketʼtakoa ar onkoakʼ jeleṅ aṅgrop hõ barabạri, metakʼme ḍanḍa hạbicʼe getʼ kuṭrạketʼtakoa are bidạkatʼkoa.