Biblia Todo Logo
Bib sou entènèt

- Piblisite -




Jirimiạ 48:36 - সান্তালী বাইবেল

36 Onate Moab reakʼ ar Kir-Heresren hoṛko lạgitʼ ińakʼ ontor do tirio leka ńohoṛ ńohoṛokʼkantińạ. Ar okaṭakʼ dhonko jarwaletʼ ona hõ cabayentakoa.

Gade chapit la Kopi




Jirimiạ 48:36
14 Referans Kwoze  

Ona iạte onkoakʼ arjawakʼ dhon do sũṛũkucʼ soḍokʼ hanasa hạbicʼko gokʼ idiyeda.


Ińakʼ jiwi do Moab lạgitʼ, ińakʼ bhitri do Kir-Heres lạgitʼ peṛesaṅ leka ṭiṛiṅ ṭuṛuṅokʼ kana.


Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.


“Uni hoṛ do chitri cẽṛẽ lekanae, okoe acʼ bae obor akatʼ beleren hoponkoe jarwayetʼko; uni do bạṛicʼ lekate dhone hameṭjoṅa. Uni do acʼakʼ adha dinkorege ona doe bạgiyakʼ kana, ar mucạtʼre uni do lelha lekae sạbudokʼa.”


Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.


E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.


Kisạ̃ṛkoakʼ dhonge onkoakʼ nagraha reakʼ pạcri do; menkhan onko do akoakʼ dhonge rurukhiyạ reakʼ pạcriko hudiseda.


Bhage hoṛ do acʼren goṛom gidrạko lạgitʼ ạidạriye doho oṭokakʼa, menkhan kạiyankoakʼ dhon do Isor botoraeko lạgitʼge doho akan tahena.


Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.


Onko do nagrahako ḍahao maraokeda ar bhage bhage hasakore dhiriko capatʼada. Onko do dakʼ reakʼ sanam jharnako bond oṭokada ar bhage darekoko makʼ giḍikada. Eken Kirhareset nagraha bako marao daṛeada, onate ginḍwạri cakʼpatʼko do ona nagrahako gheraokeda arko hatkeda.


Onate iń do Moab lạgitʼ iń homor halaṅa, goṭa Moab lạgitʼ iń raga, Kir-Heresren hoṛko lạgitʼ doń hae haeyokʼa.


Swiv nou:

Piblisite


Piblisite