Jirimiạ 48:33 - সান্তালী বাইবেল

³³ Moabakʼ bagwan reakʼ jo, metakʼme Moab disạm khon rạskạ ar kusi do ocokʼ akana. Iń do darkha lelen kunḍ khon darkha rasań ańjetʼ akada; rạskạ ar hulạsate okoe hõ ona do bako lena. Hoho menakʼgea menkhan rạskạ reakʼ do baṅkana.

Jirimiạ 48:33 Referans Kwoze

Hagae 2:16

Jãhãege tinre bargel mon phosol ṭhiki ṭhene hijukʼkan tahẽkan uni do eken gel mone ńametʼ tahẽkana. Jãhãe mõṛẽgel liṭar darkha rasa hatao lạgitʼ darkha rasa reakʼ jala ṭhene hijukʼkan tahẽkan uni do eken bargel liṭar sunume ńametʼ tahẽkana.

Jesaea 5:10

Pegel bighạ darkha bagwan khon eken bargel bar liṭar darkha rasa ńamokʼa, ar mitʼsae irạgel keji itạ khon eken gel irạl keji phosolge janamokʼa.”

Joel 1:16

Aboakʼ mẽtʼãhã samaṅrege jomakʼ ar aboren Isorakʼ oṛakʼ khon rạskạ ar hulạs do cetʼ baṅ sahaṛakana?

Joel 1:5

E bul bhutạṛ hoṛko, ma cetaokʼpe ar rakʼjoṅpe. E sanam bubulakʼ hoṅgorko, ape do ṭaṭka darkha rasa reakʼ bubulakʼ lạgitʼ homorpe, ente apeakʼ moca khon ona do recʼ ocoakana.

Jesaea 9:3

Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,

Jesaea 7:23

Enhilokʼ okako jaegare gelbar keji rupạ reakʼ dam mitʼ hajar goṭecʼ darkha nạ̃ṛĩ tahẽkan onḍe do eken jạnum ar rạṅgạinige tahena.

Amos 5:17

Sanam darkha khetkorege homor halaṅ do hoyokʼgea ente iń do apeko talateń parom calakʼa. Iń Probhu Isorge noa katha doń meneda.”