Jirimiạ 48:28 - সান্তালী বাইবেল

²⁸ E Moabren hoṛko, nagraha bạgikate huṭupʼ dhirikore berelokʼpe. Ar onkan potamko leka baṛe hoyokʼpe, okoe do khandṛaṅ moca ṭhen tukạko benaojoṅ kan.

Jirimiạ 48:28 Referans Kwoze

Soros sereń 2:14

E potamtiń, huṭupʼ dhiri lopakʼre tahenicʼ buru cuṛạ pakhakore menamicʼ, amakʼ rup baṛe ńel ocoyińme, amakʼ aṛaṅ baṛe ańjom ocoyińme, ente am dom cehragea ar aṛaṅ do heṛemgetama.

Bikʼcạrko 6:2

Israelko cetanre Midiạnrenkoakʼ santao do nunạkʼ ḍher idiyena je, Israelko do buru reakʼ paṛakʼre, danderre ar buru cetan reakʼ gaṛkore asrayokʼko ehopʼena.

Jirimiạ 49:16

E dhiri paṛakʼkore girobasokʼ kan buru reakʼ usul ṭhạ̃iren ạidạriyicʼ, am dom torasanicʼ kanre hõ amakʼ ontor reakʼ bạḍạikoge am doe eṛe akatʼmea. Am do pajhaṛ cẽṛẽ leka coṭrem tukạlere hõ latarteń or pheḍ ạgumea.

Jirimiạ 48:9

Moab do phạ̃kṛạ̃kʼ emaepe jemone uḍạu sen daṛeakʼ; uniyakʼ nagrahako do ujạṛokʼtaea, onḍe do celege bako berelokʼa.”

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

1 Samuel 13:6

Israelren lạṛhại phạdko do ạḍi muhinreko paṛao akana menteko ńelketʼ khan onko do danderkore, jhupuṭoṛokore, buru khorloṅkore, cạṭạni lopakʼkore, ḍonḍhorkore ar khạ̃yukʼkoreko okoyena.

Genesis 8:12

Uni do eae din tayom arhõ uni potame aṛakʼkedea, menkhan niạ dhao uni do ar bae ruạṛ hecʼlena.

Jirimiạ 49:8

E Dedanren hoṛko, ape do ńir ruạṛokʼpe ar dạṛjoṅpe, danaṅ ṭhạ̃ite senkate okokʼpe, ente Esao cetanre muhiniń paṛao ocoya ar uniń sạjạiyea.