Jirimiạ 48:27 - সান্তালী বাইবেল

²⁷ E Moab, Israel do cetʼ amren landa-dhutʼicʼ bae tahẽkana? Uni do cetʼ kombṛoko talareye ńamlena, onate uni reaṅem roṛ pichạ hirkhạte bohokʼem rukuyetʼtama?

Jirimiạ 48:27 Referans Kwoze

Jirimiạ 2:26

“Kombṛoe sapʼ ocolenre cetʼ lekae lajao ocokʼ onkage Israel bõsrenko hõko lajao ocokʼa. Onko do apnarte, akoren rapajko ar kạmiyạko, onkoren naekeko ar nạbiko jotogeko lajao ocokʼa

Sephaniạ 2:8

Israelren Isor phạdkoren Probhui meneda, “Moab reakʼ henosta ar Amonrenkoakʼ landa dhutʼ reakʼ katha doń ańjom akatʼgea; unkin do ińren hoṛkin henosta akatʼkoa ar onkoakʼ disạm dokhol lạgitʼte ạḍikin bạḍạiyokʼ kana. Iń ńutumte kiriạkateń meneda, Moab do khạṭige Sodom leka ar Amonrenkoakʼ disạm do Gomora lekań hoeocoya. Ona do rạṅgạini jhạuạko, buluṅ reakʼ khet ar jaejug lạgitʼ potit jumige hoyokʼa. Iń jạtren sarecʼ tahen hoṛko do unkinakʼko luṭtạkina ar disạmko ạidạrijoṅa.”

Jeheskel 25:8

Probhu Isore menkeda, “Moab ar Seyir dokin meneda, ‘ńelpe, Jihudạren hoṛko do eṭakʼ jạtrenko lekageko hoyakana.’

Mathae 27:38

Ar barea dạku hõ Jisu sãoteko kurusketʼkinạ, mitʼ do uni jojomsa aṛere ar eṭagicʼ do leṅgasare.

Mathae 26:55

Uni do gadel hoṛkoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń sasapʼpe hecʼakana? Iń ma coṅ jaoge mundilre duṛupʼkateń cetʼako kan tahẽkan, ar unrema bacope sapʼlediń.

Mathae 7:2

ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Sephaniạ 2:10

Unkin do ạkinakʼ bạḍại iạtege noa kuṛạikin ńama, ente phạdkoren Probhu Isorren hoṛkin landa dhutʼatʼko tahẽkana ar onko upạrte apnartetʼ do maraṅkin udugokʼkan tahẽkana.

Jeheskel 36:4

Onate E Israel reakʼ buruko, ape do ińakʼ katha ańjompe. E maraṅ ar huḍiń buruko, khandṛaṅko, buru-nalako, ujạṛ utạrakʼ dhaṅ dhaserakʼko ar ape beṛhaeten eṭakʼ eṭakʼ jạtrenko okoe do luluṭko ar landa dhudhutʼkope hoyocoakatʼko ona bạgi oṭowakʼ nagrahako,

Jeheskel 35:15

Ar Israelko ạidạri lekate okaṭakʼ disạmko ńamakatʼ ar ujạṛ akan ńelte cetʼ lekam rạskạkʼkan onkage iń do am sãoteń beohara. E Seyir buru, am ar Edom reakʼ sarecʼ sanam ṭhạ̃i do ujạṛ utạrakʼge hoyokʼa. Unre hoṛko baḍae daṛeakʼa, ińkangeạń Probhu Isor do.’ ”

Jirimiạ 18:16

Ona iạte onkoakʼ disạm do potit jumi ar mitʼṭecʼ hirkhạwanakʼ jinis lekage hoyokʼtakoa; ar jãhãege ona aṛeteko parom senokʼ onko do hahaṛa tulucʼ bohokʼko rukuiytakoa.

Sereńko 79:4

Ale do aḍepase jạtrenko ṭhen lelhagele hoyakana, ar ale beṛhaeten hoṛko ṭhen do landa dhutʼren hoṛle hoyakana.

Sereńko 44:13

Aḍepase jạtrenko ṭhen am do alem henosta ocoyetʼlea; ar beṛhaeten hoṛko ṭhen do landa dhudhutʼkom hoyocoakatʼlea.

Jobakʼ 16:4

Ape hõ iń leka hoylentape khan enḍekhan iń hõ ape lekań galmarao daṛekea, ape upạrte ạḍi utạr kathakoń roṛkea ar ape ńelte bohokʼ iń rukukea.

Sereńko 64:8

Onko do akoakʼ alaṅtege muskilko ạgujoṅ kana; onko beṅgetʼakote sanamkoge bohokʼko rukuitakoa.

Rak̕joṅ 1:7

Jerusalem do acʼakʼ kosṭo ar dãṛãbaṛae dinkore acʼakʼ sedaeakʼ dhon dorib reakʼ kathae disạyetʼ kana. Uniren hoṛko tinre bạirikoakʼ tireko paṛaolena unre uni goṛowae lạgitʼ okoehõ bako tahẽkana. Uniren bạiriko uni secʼko beṅgetʼ akada ar maraokʼ lạgitʼko landa-dhutʼae kan tahẽkana.

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?