Jirimiạ 48:26 - সান্তালী বাইবেল

²⁶ “Moab bul ocoyepe, ente uni do iń upạrte apnartetʼ maraṅe udugokʼ kana. Uni do acʼakʼ becʼreye jobe akana; uni do landa-dhutʼicʼgeye hoyokʼa.

Jirimiạ 48:26 Referans Kwoze

Jirimiạ 51:39

Onkoko jaljalaolenre iń do mitʼṭecʼ bhojiń teara. Ar onkoń bul ocokoa jemonko rạskạ daṛeakʼ, ar ona tayom do jaejug lạgitʼko jạpitʼjoṅa, ar tisge bako ebhenokʼa.

Jirimiạ 48:42

Jạtrenko lekate Moab doe marao ocokʼa, ente iń upạrte acʼteye usul akana.

Jesaea 29:9

Ape do ṭhak ar hahaṛakʼpe; jạpitʼkate kãṛãkʼpe, menkhan darkha rasa ńũte do alo; konḍe manḍekʼpe, menkhan bubulakʼ iạte do alo;

Jesaea 19:14

Probhu Isor do onko talare ạulạ jhạulại hoyocoakada, onate bubulicʼ cetʼleka acʼakʼ becʼ cetanreye konḍe manḍekʼkan onkage onko do jotowakʼ kạmire Misorko konḍe manḍe ocoyedea.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Rak̕joṅ 4:21

Us disạmre berel akanicʼ E Edom hoponera am do rạskạ ar hulạsokʼme; menkhan amhõ ona bạṭi dom emocokʼa; am dom ńũ bulokʼa arem uluṅokʼa.

Jirimiạ 51:7

Babel do Probhu Isorakʼ tire mitʼṭecʼ sona reakʼ bạṭi leka tahẽkana; uni do goṭa dhạrtiye ńũ bul ocoleda. Jạt jạtrenko do uniyakʼ darkha rasako ńũleda, onate ńithõ onko do koṅkage menakʼkoa.

Jirimiạ 48:39

Uni doe talga tạuạkʼ akana! Uni do sanam hoṛko lạgitʼe homor halaṅeda! Moab do cetʼleka lajaoteye dea akada! Uni do beṛhaeten sanam hoṛko ṭhen landa-dhutʼicʼe hoyakana, uniyakʼ dosa ńelte onko hoṛ doko toras akana.”

Exodus 5:2

Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”

Johan sodor 16:19

Ar ona maraṅ nagraha do pe hạṭińte hạṭińena ar jạt jạtrenkoakʼ nagrahako do lạnduṛena. Tayomte ona maraṅ nagraha Babel reakʼ katha Isor do disạ hecʼadea, uni do acʼakʼ edre reakʼ botoranakʼ bubulakʼte perecʼ bạṭi reakʼ ńũi lạgitʼ Babele emadea.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Nạhum 3:11

E Niniwi, am hõ bul bhuteṛkatem kunḍlạṅ hapekokʼa; ar bạiriko khon okokʼ lạgitʼ asrayem sendrajoṅa.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Rak̕joṅ 3:15

Haṛhatʼakʼkote uni doe perecʼ akadińạ, ar bisteye bi ocoakadińạ.

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Jirimiạ 51:57

Okoeyakʼ ńutum do phạdkoren Probhu Isor kan uni raje meneda, “Iń do uniren rajkạmiyạko, ạkilan hoṛko, disạm cakʼlaoko, cetan hudạren kạmiyạko ar birbão hoṛkoń bul ocokoa. Onko do jaejug lạgitʼko jạpitʼjoṅa; ar bako ebhenokʼa.

Jesaea 63:6

Iń do edrete jạt jạtrenko jaṅgateń en ketʼkoa; ar edrete bul bhuteṛko lekań hoyocoketʼkoa ar otre onkoakʼ mãyãmiń suḍrạu ocokeda.”

Jesaea 51:17

E Jerusalem, ebhenokʼme, beredokʼme; ar teṅgonme. Ente am do Probhu Isorakʼ ti khon uniyakʼ edreteakʼ bạṭi khonem ńũ akada; okaṭakʼ bạṭi khon manwa do ńũkateko konḍe manḍekʼ ona bạṭi reakʼ do amgem ńũ ańjetʼakada.

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

Sereńko 75:8

Probhu Isorakʼ tire mitʼṭecʼ bạṭi menakʼa, onare do mosola mesao akatʼ cãwãoakʼ darkha rasa menakʼa. Uni do ona bạṭi khone dul oḍoka; ar dhạrtiren sanam bedhorom hoṛko ona reakʼ lenda hõ lendako hińjitʼ joṅa arko ńũiya.

Sereńko 60:3

Amren hoṛko do akalem ńel ocoakatʼkoa; ar nonkan darkha nạ̃ṛĩ reakʼ rasam ńũ ocoakatʼlea onate ale do bul hoṛko lekale taṛameda.

Sereńko 59:8

Menkhan E Probhu Isor, am do onko ńeltem landajoṅ kana ar onko jạtrenkom landa dhutʼ akokana.

Sereńko 2:4

Probhu Isor do serma reakʼ siṅghạson khone landa kana; Uni do onkoe siṛogakokana.

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

Exodus 9:17

Am do ńitʼ hõ ińren hoṛko upạrtem teṅgo akana ar bam sen ocoako kana.

Jesaea 28:8

Onkoakʼ joto ṭebil do becʼte perecʼ akana; ar oka jaega hõ sapha do bạnukʼa.

Daniel 8:10

Ona do hara harate sermaren ipilko hạbicʼ seṭerena ar adom ipil do otreye ńurhạketʼkoa ar jaṅgateye lebetʼ gańjaoketʼkoa.

Jobakʼ 15:25

ente uni do Isor upạrte tiye tuletʼtaea ar sanam daṛeanicʼ upạrteye dhomkaoeda.

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.