Jirimiạ 48:18 - সান্তালী বাইবেল

¹⁸ Probhu Isore meneda, “E Dibonren hoṛko, apeakʼ ṭhonok reakʼ ṭhạ̃i khon pheḍ hijukʼte khaṅgoṭ otre duṛupʼpe, ente Moabren dhaṅdhasericʼ do ape upạrte hecʼkate apeakʼ gaṛkoe dhaṅdhasertapea.

Jirimiạ 48:18 Referans Kwoze

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Numeri 21:30

Menkhan ale do onko upạrtele lạṛhại akana. Hesbon khon Dibon hạbicʼle dhaṅdhaser akada. Ar Medeba do Noph reakʼ ona jaega hạbicʼ calao akana, ale do onale dhaṅdhaser akada.”

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

Jirimiạ 48:22

Dibonre, Nebore, Beth-Diblathayimre,

Josuạ 13:17

Hesbon ar bilạn ṭạnḍi reakʼ adha ato ar nagrahako. Noa ato ar nagrahako do hoyokʼkana Dibon, Bamot-Bakʼal, Boet-Bakʼal-Meon,

Jeheskel 19:13

Ona do ńitokʼ hahaṅkarre, rohoṛre, khaṅgoṭ disạmre rohoe akana.

Jesaea 5:13

Onate buj bạnukʼtako iạte ińren hoṛko do eṭakʼ disạmre bondi akanko tahena. Onkoren manotan hoṛ do reṅgecʼteko gujukʼa, ar onkoren eṭakʼko hoṛ do tetaṅteko chaṭ chaṭaokʼa.

Bikʼcạrko 15:18

Inạ tayom Samson do ạḍi ãṭ tetaṅkedea. Uni do Probhu Isor ṭhene koeketʼteye menkeda, “Am do amren gutim jitạu ocoakadea. Ar ńitokʼ do tetaṅteń gujukʼte cetʼ bin khatna akan hoṛkoakʼ tirem paṛao ocoyińa?”

Josuạ 13:9

Onkoakʼ niạ jaega do ehopʼakana Arnon lodam aṛe reakʼ Aroer nagraha khon ar ona lodam reakʼ adha ato khon. Onako modre menakʼa Dibon hạbicʼ Medeba reakʼ goṭa bilạn ṭạnḍi ar Amonrenkoakʼ disạm reakʼ simạ hạbicʼ Hesbonren Amori raj Sihonakʼ goṭa atokoge.

Numeri 32:3

“Probhu Isor do Ararot, Dibon, Jaser, Hesbon, Elale, Sebam, Nebo ar Beon ńutumanakʼ okako jaega Israelkoakʼ tabereye ạguakatʼ onako do ạsul janwarko lạgitʼ ạḍi mońj ạtiń ṭạnḍiko kana, ar aperen noko gutikoren hõ ạsul janwarko menakʼkotalea.

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Genesis 21:16

Ar ona tayom do mitʼṭecʼ sar tuń sạṅgińre senkateye duṛupʼena. ‘gidrạwakʼ gujukʼ jemon aloń ńel’ mone monte noa menkate onḍeye duṛupʼena ar ãṭ aṛaṅte rarakʼe ehopʼena.