Jirimiạ 48:13 - সান্তালী বাইবেল

¹³ Israelko Bethelre pạtiạukate cetʼlekako lajao ocolen onkage Moab hõ Kemos reaṅ iạteko lajao ocokʼa.

Jirimiạ 48:13 Referans Kwoze

Jirimiạ 48:39

Uni doe talga tạuạkʼ akana! Uni do sanam hoṛko lạgitʼe homor halaṅeda! Moab do cetʼleka lajaoteye dea akada! Uni do beṛhaeten sanam hoṛko ṭhen landa-dhutʼicʼe hoyakana, uniyakʼ dosa ńelte onko hoṛ doko toras akana.”

Jesaea 45:16

Ar okoe goṛhon muṭhạnko benaoetʼkan onko do jotoge lajao arko andmandaokʼa; ar mitʼteko akbakaokʼa.

Bikʼcạrko 11:24

Amren Kemos debota okaṭakʼ ạidạriye emakawatʼme ona do cetʼ amakʼ ạidạrire bạnukʼa? Ṭhik onkage aleren Probhu Isor ale samaṅ khon okoeye laga ńir akatʼko onkoakʼ jaegagele ạidạri akawana.

Jirimiạ 48:46

E Moab, hae am do! Kemosren hoṛ doko marao utạrena; ar amren hoponko do sạṅgiń disạmteko idiakatʼkoa ar amren hoponerako hõko bondi ocoakana.

Jirimiạ 48:7

Am do amakʼ kạmi ar dhon cetanrem bhorsa akanre hõ am dom bondi idi ocokʼa, ar Kemos do acʼren naeke ar rajkạmiyạko sãote bondikate saṅgińteye idi ocokʼa.

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jesaea 16:12

Moab do tinreye bujhạu daṛeakʼa, than boṭkocʼkore senkate jãhãn lab bạnukʼa unre uni do koejoṅ lạgitʼ acʼakʼ mundilteye bolokʼa; menkhan onate hõ jãhãn lab do baṅ hoyokʼtaea.

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

1 Rapajko 18:40

Unre Eliạ do noae hukumkeda, “Bakʼal debotaren nạbiko sapʼkope. Onkoren mitʼ hoṛ hõ alope paskao ocokoa.” Unre hoṛko do onkoko sapʼketʼkoa. Ar Eliạ do Kisạn soḍokʼte idikate onkoe gocʼketʼkoa.

1 Rapajko 11:7

Jerusalem purub reakʼ buru cetanre uni do Moabren hirkhạwạnicʼ debota Kemos ar Amonikoren hirkhạwạnicʼ debota Molok ńutumte sewawạkin lạgitʼ than boṭkocʼ koe benaokeda.

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

Jirimiạ 48:12

Menkhan dinko hijukʼ kana tinre iń do kanḍa dũṛũcʼ lạgitʼ hoṛkoń kolkoa, onko do uniko dul oḍokea; uniyakʼ kanḍako khạliytaea ar uniyakʼ bhajan doko rạputʼ gejertaea.

2 Bõsbudạ 25:15

Noa iạte Probhu Isor do Amasiạ cetanreye edreyena. Uni do mitʼṭen nạbiye kolkedea. Uni nạbiye menkeda, “Onko hoṛkoren debotako okoe do amakʼ ti khon bako bańcao daṛeatʼko onkoakʼ goṛo do cedakʼem khojkana?”