Jirimiạ 48:10 - সান্তালী বাইবেল

¹⁰ Probhu Isore meneda, “Ińakʼ kạmire okoe hoṛe asketokʼ unire do sarap paṛaokʼma. Okoe acʼakʼ tarwaṛere mãyãm bae joro ocoy uni cetanre hõ sarap paṛaokʼma.

Jirimiạ 48:10 Referans Kwoze

1 Rapajko 20:42

Uni nạbi do raje metadea, “Probhu Isor do niạ kathae meneda, ‘okoe do ḍahaokʼ maraokʼ reakʼ sarapiń emade tahẽkan am do unim aṛakʼkedea. Onate uniyakʼ jiwi bodolte amakʼ jiwi ar uniren hoṛko bodolte amren hoṛkoakʼ jiwi hataokʼa.’ ”

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

Bikʼcạrko 5:23

Probhu Isorren goḍete menkeda, “Meros baṛe sarapaeme, ạḍitetʼ sarapaeme onḍenko hoṛ do; lạṛhạire Probhu Isor tulucʼ bako seletʼlena, ar daṛeanko upạrte hõ baṅa.”

2 Rapajko 13:19

Unre Isorren hoṛ do raṅgaoenteye menkeda, “Mõṛẽ se turui dhao otre dadal jạruṛ tahẽkantama; enḍekhan am do Aramrenko purạtem marao caba daṛekekoa. Menkhan ńitokʼ do eken pe dhaoem bhagao daṛeakoa.”

1 Samuel 15:9

Menkhan Sạul ar uniren lạṛhại phạdko do Og jiwetʼko dohokedea ar Amalekikoren mońj mońj ḍaṅgrako, bheḍako, bạchurko ar bheḍa hoponko, metakʼme cetʼko bhageakʼ tahẽkan ona joto doko dohoana. Onako marao giḍikakʼ do bako rạjilena, menkhan okạjwạ ar rogako doko marao giḍikatʼkoa.

Jirimiạ 50:25

Ińakʼ khanḍa bhanḍa reakʼ oṛakʼ jhicʼkate ińakʼ edre reakʼ khanḍa bhanḍakoń oḍok ạguiya, ente phạdkoren Probhu Isor do Babelrenko upạrte mitʼṭecʼ kạmi reakʼ menakʼtaea.

Jirimiạ 47:6

Ape do nonkape rakʼeda, ‘E Probhu Isorakʼ tarwaṛe, ar tinạkʼ din tayomem jirạukʼa? Amakʼ khaprege bolo ruạṛokʼme; jirạukʼme, ar thir hapeakan taheme.’

1 Rapajko 20:39

Ar raj do ona horteye calakʼkan tahẽkan jokhecʼ nạbi do raj hohoadeteye metadea, “Amren guti do lạṛhại talareń senlena. Unre mitʼṭen hoṛ do mitʼṭen bondi akade hoṛ ạgukedeteye metadińạ, ‘nui hoṛ horho hataṛeme. Are atʼlen khan uniyakʼ jiwi bodolte amakʼ jiwi calakʼtama, ar baṅ khan pegel are keji rupạ do juribana lekate emokʼ hoyokʼtama.’

1 Rapajko 20:40

Menkhan amren guti do kạmi reakʼ bhiṛreye tahẽkanre uni do okate coe calaoena.” Unre Israelren raje menkeda, “Ona sạjạige amre paṛaokʼa. Amakʼ mocatege ona dom menakada.”

Jirimiạ 47:7

Menkhan iń do uniń hukum akawadea onate uni do cekateye jirạukʼ daṛekokʼa? Iń do Askelon ar jalapuri ḍhip aṛerenko upạrte jhãp em lạgitʼ iń hukum akadea.

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Josuạ 10:19

Menkhan hape akae alope tahena; aperen bạiriko laga idikope, tayom secʼ khon akromonkope ar akoakʼ nagrahate alope sen ocoakoa. Aperen Probhu Isor do apeakʼ tire onkoe jimạ akatʼkoa.”