Jirimiạ 48:1 - সান্তালী বাইবেল

¹ Moab reaṅ phạdkoren Probhu Isor doe meneda, “Nebore do hae hae! Ona do marao utạrokʼa. Kiriạthaim doe lajao ocokʼa ar eṭakʼkoakʼ tireye paṛaokʼa; uniyakʼ gaṛko do lajao ocokʼte rạputʼ dhaṅ dhaserokʼa.

Jirimiạ 48:1 Referans Kwoze

Numeri 32:3

“Probhu Isor do Ararot, Dibon, Jaser, Hesbon, Elale, Sebam, Nebo ar Beon ńutumanakʼ okako jaega Israelkoakʼ tabereye ạguakatʼ onako do ạsul janwarko lạgitʼ ạḍi mońj ạtiń ṭạnḍiko kana, ar aperen noko gutikoren hõ ạsul janwarko menakʼkotalea.

Jirimiạ 25:21

Edomrenko, Moabrenko ar Amonren hoṛko;

Jirimiạ 27:3

Ona tayom okoeko paṭhaona do Edomren raj, Moabren raj, Amonren raj, Turren raj ar Sidonren raj ṭhen khon Jerusalemte Jihudạren raj Sedekiạ ṭhenko hecʼakan onko hotete sanam rapajko ṭhen khoborem kola.

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

2 Bõsbudạ 20:10

“Ńitokʼ do Amonrenko, Moabrenko ar Seyir bururen hoṛko nonḍeko hecʼakana. Israelko tinre Misor khonko oḍok hecʼlena unre am do onkoakʼ disạmte bam bolo ocowatʼko tahẽkana. Ar onatege onko bako marao cabako baṅkate onko ṭhen khonko calaolena.

Numeri 24:17

‘ńitokʼ baṅre hõ iń do uniń ńelńame kana, ar iń sorrene baṅkanre hõ enhõ uni doń ạritʼ edekana. Mitʼṭecʼ ipil doe rakapʼa Jakobakʼ bõsre, mitʼṭecʼ raj ṭheṅgage Israelko mod khon rakapʼ hijukʼa. Uni do Moab ar Setren hoponkoakʼ bohokʼe gejertakoa.

Genesis 19:37

Tayomte maraṅicʼ kuṛiren do mitʼṭen koṛa gidrại hoyena ar uniyakʼ ńutum do Moabe dohoketʼtaea (metakʼme “Baba ṭhen khon”). Nui kangeae Moabkoren janam data do.

Josuạ 13:19

Kiriạtheyim, Sibna, ar lodamko modre buru cetan reakʼ Selet nagraha,

Genesis 14:5

Ar ona dosar bochor do Kedarlaomer raj ar uni sãotenko do senkate Rephayimko, Susiko, Emiko, Hamrenko bhagaoketʼkoa. Ar Rephayimko do Asterot Karnạimren, Susiko do Hamren, Emiko do Sawe kiriạthạimren ar Horiko do El- Paran reakʼ Seyir buru ṭoṭhareko bhagaoketʼkoa. El-Paran do hahaṅkar ṭoṭhare tahẽkana.

Jesaea 25:12

Uni do Moabakʼ pạcri reakʼ usul gaṛkoe lạnduṛ giḍikakʼa; onako doe hasareye mesaoa, ar dhuṛi lekae hoeocoya.