Jirimiạ 46:9 - সান্তালী বাইবেল

⁹ E sadomko, ape do ńir bhiṛạukʼpe. E rãt gạḍiko, ape do giṛgiṛạu baṛaepe. E birbanṭako, ḍhal akʼsenkan Kusren ar Puṭren hoṛko, ar Ludren dhinkiạko, ape do laha idikʼpe.

Jirimiạ 46:9 Referans Kwoze

Jeheskel 27:10

“ ‘Paras, Lud ar Put disạmren hoṛko hõ amren lạṛhại phạdko sãote tahẽkateko lạṛhạikan tahẽkana. Onko do akoakʼ ḍhal ar bohokʼ rurukhiyạ reakʼ ṭupri amre ṭaṅgaokate amakʼ ṭhonoktetʼko maraṅetʼ tahẽkana.

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Nạhum 3:9

Kus ar Misor do asambheṛ daṛekin emaekan tahẽkana; uniren gateko modre Puṭ ar Libia hõkin tahẽkana.

1 Korinthiko 1:8

Aboren Probhu Jisu Mạsige mucạtʼ hạbicʼe ṭarhao ocopea, onate uniyakʼ hijukʼ dinre ape do sanam lekan bin dusạnkope hoyokʼa.

Aposkạmi 2:10

Phrugiạ ar Pamphuliạren, Misor ar Kurene senakʼ Lubiạ reakʼ adom jaegaren hoṛko, ar Rom nagrahare upriạ Jihudiko ar Jihudi dhoromreko pạtiạu akan boṅgan hoṛ jạtrenko,

Jirimiạ 47:3

Onko do bandhaṛ sadomkoakʼ khurạ reakʼ kaṭapʼ kaṭapʼ saḍe, bạirikoakʼ rãt gạḍiko reakʼ huḍ huḍạukʼ saḍe ar pạ̃ihạ̃ko reakʼ giṛgiṛ saḍeko ańjoma. Unre baba do akoren hoponko goṛowako lạgitʼ bako ruạṛa; onkoakʼ ti do lạbṛugokʼtakoa.

Jirimiạ 30:5

“Iń Probhu Isorgeń meneda, suluk reakʼ aṛaṅ do baṅ bickom toras reakʼ ãṭ aṛaṅge ańjomokʼ kana.

1 Bõsbudạ 1:11

Ludio, Anamio, Lehebio, Naptuhiko, Pạthrusiko, Kạsluhiko ar Kerh do Misorren bõsko tahẽkana. Ar Kạsluhiko do Philisṭikoren hapṛamko tahẽkana.

Genesis 10:13

Ludio, Anamio, Lehebio, Naptuhiko, Pạthrusiko ar Kạsluhiko ar Kerh do Misorren bõsko tahẽkana. Kạsluhiko do Philisṭikoren hapṛamko tahẽkana.

Genesis 10:6

Hamren hoponko doko hoyokʼ kana, Kus, Misrạyim, Put ar Kanan.

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Jeheskel 30:4

Misor cetanre lạṛhại hijukʼa ar Kus cetanre do udạsge. Misorren hoṛko do ńur akanko tahena, ona reakʼ dhon-durib do idi ocokʼa ona reakʼ sanam ṭhạ̃i do dhaṅdhaserokʼa.

Jeheskel 30:5

Kus, Puṭ, Lud ar sanam Arob disạm, Kub ar gate disạmren hoṛko do lạṛhạire Misorrenko sãoteko gujukʼa.