Jirimiạ 46:8 - সান্তালী বাইবেল

⁸ Misor do nil gaḍa leka, ar gaḍa dakʼko dundunạukʼ lekageye rakapʼ hijukʼ kana. Uni doe meneda, ‘iń doń rakapʼa ar dhạrtiń ḍubạ eseda; ar nagrahako ar onaren hoṛkoń marao cabakoa.’

Jirimiạ 46:8 Referans Kwoze

Jeheskel 32:2

“E manwa hopon, Misorren raj Pharao babotre homor halaṅkate noam metaea, ‘am dom hudisetʼ tahẽkana jạtrenko modre mitʼṭen dhạcri kul kanam mente, menkhan am do tala gaḍaren mitʼṭen tayan kanam. Am do amakʼ gaḍaregem humtạgokʼkan tahẽkana, ar jaṅgate leoḍakate dakʼem boḍeyetʼ tahẽkana.

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Daniel 11:10

Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Amos 8:8

Noa iạte cetʼ disạm do baṅ daldalaokʼa? Onare girobasokʼ kan jotoge cetʼ bako homor halaṅa? Goṭa disạmge Misor reakʼ nil gaḍa dakʼ leka se rakabokʼa ar ona tayom do pheḍ calakʼa.”