Jirimiạ 46:6 - সান্তালী বাইবেল

⁶ Coṭkarko hõ bako ńir pharak daṛeakʼkana ar lạṛhạyicʼ birbanṭa hõ baṅa. Utạr secʼ phurạt gaḍa ṭhen onko doko sombotʼ bhindạṛena.

Jirimiạ 46:6 Referans Kwoze

Daniel 11:19

Inạ tayom uni do acʼakʼ disạm reakʼ gaṛteye ruạṛ hijukʼa, menkhan uni doe ńurokʼa; ar ńamge bae ńamokʼa.

Jirimiạ 46:12

Jạt jạtrenko do amakʼ lajao paṛao reakʼko ańjom akada; amakʼ kạuạ rạuạte dhạrti do andoṛokʼa. Ente birbão hoṛ do birbão hoṛregeye tohodokʼa ar unkin do bana hoṛge mitʼ domtekin bhindạṛokʼa.”

Jirimiạ 50:32

Uni bạḍạiyicʼ doe sombotʼ bhindạṛokʼa ar berede lạgitʼ do celege bako goṛowaea; uniyakʼ nagrahakore seṅgeliń junḍiyakʼa, ar beṛhaeteakʼ jotowakʼ doń jeretʼ giḍikataea.”

Jirimiạ 46:16

Onko do ghane ghạṛicʼko tohodokʼa; ar hạni nại cetanre lade ghuguko bhindạṛokʼa. Onkoko mena, ‘ma beretʼpe, dela abo do sasantaokoakʼ tarwaṛe samaṅ khon aboren hoṛko ṭhen ar apnarakʼ disạmte bon ruạṛ calakʼa.’

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

Jirimiạ 4:6

Sion secʼ mitʼṭecʼ nisạn tul rakabtape. Ar bin bilomte ńir bańcaokʼpe, ente iń do utạr secʼ khon maraṅ jarkharokʼgeń ạgu lạgidokʼ kana.

Jirimiạ 1:14

Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa.

Jesaea 8:15

Onko modre ḍherkogeko tohodokʼa. Onko doko tohotʼ bhindạṛokʼa arko rạputʼ gejerokʼa; ar pạsiteko sabokʼa.”

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

Sereńko 27:2

Bạṛicʼ hoṛ do ińakʼ jelko joma mente tinreko hecʼ sorokʼa unre iń upạrtenko ar ińren bạiriko doko tohotʼ gurokʼa.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

2 Rapajko 23:29

Josiạwakʼ rajokʼ oktere Misorren Pharao raj Neko do Asurren raj goṛowae lạgitʼ phurạt gaḍa secʼe senena. Unre Josiạ hõ uni teṅgo darame lạgitʼe oḍok calaoena, menkhan Pharao Neko do uni tulucʼe lạṛhạiyente Josiạ do Megidoreye gocʼocoyena.

2 Rapajko 24:7

Misorren raj do lạṛhại lạgitʼ acʼakʼ rajosṭi khon ar bae oḍok baṛalena, ente Babelren raj do Misor reakʼ rohoṛ gaḍa khon phurạt gaḍa hạbicʼ goṭa rajosṭigeye dokhol akatʼ tahẽkana.