Biblia Todo Logo
Bib sou entènèt

- Piblisite -




Jirimiạ 46:5 - সান্তালী বাইবেল

5 “Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.

Gade chapit la Kopi




Jirimiạ 46:5
19 Referans Kwoze  

Hoṛko do onkoakʼ tạmbuko ar onkoren ạsul janwarkoko hatkoa ar onkoakʼ sanam jinisko, tạmbu reakʼ orwalko ar ũṭkoko idikoa. Ar hoṛko do ãṭ aṛaṅteko ańjomakoa, ‘torasge, beṛhaete torasge!’ ”


Nagraha bahrete alope oḍok calakʼa se kulhikore hõ alope dãṛãna, ente bạirikoakʼ tire do tarwaṛe menakʼa ar goṭage bạṛicʼ botor menakʼa.


Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.


Niniwi do phoṛ akatʼ mitʼṭecʼ pukhri leka one ona reakʼ dakʼko ạtu oḍokokʼkan. Onko do “Teṅgokʼpe, teṅgokʼpe” menteko hohoyetʼkana menkhan uniren hoṛ do celege tayom secʼ bako beṅgetʼ ạcureda.


Iń do am cetanre okań cekae ona ńelte ḍher jạtrenko doko tharbasaokʼa. Ar onko samaṅre tinre ińakʼ tarwaṛeń ạcurtińạ unre onkoren rapajko do botorteko thar tharaokʼa. Amakʼ ńurokʼ dinre onkoren mimitʼko do akoakʼ jiwi botorte jao okteko thar tharaokʼa.


Aperen lạṛhại phạdko do cedakʼko bhagao ocokʼa? Onko do ghuriạ bako teṅgo daṛeakʼa, ente Probhu Isorge latarteye ṭhelao ńurkoa.


Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”


Enhilokʼ Misorren hoṛko do maejiu lekako hoyokʼa. Onko upạrte phạdkoren Probhu Isor do tiye rakabtaea ar ona ńelte onko do botorteko thar tharaokʼa.


Arko oḍoken khan unkin bar hoṛ modre mitʼ hoṛ doe menkeda, “Bańcaokʼem menetʼ khan dạṛme. Tayom secʼ alogem koyokʼ ruạṛa ar noa bilạn ṭạnḍire okare hõ alom teṅgokʼa. Burute dạṛpe; ar baṅ khan ape hõpe gujukʼa.”


Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.


Onko do ạḍi bebạṛicʼko botorokʼa, ar ạḍi ãṭ hasokoa, gidrạ janamede kan maejiu leka bedonteko thakao cabakʼa, onko do cahapʼkate apan apin secʼko beṅgetʼjoṅa ar mẽtʼãhã do jaljalaokʼtakoa.


Menkhan okoe goṛhon muṭhạnreko bhorsakʼkan, ar okoe do chãchre dulakʼ boṅga muṭhạnko metakʼkan, ‘apege aleren debota do,’ enḍekhan onko do ạḍi lajaoreń paṛao ocokoa.


Iń phạdkoren Probhu Isorgeń meneda, am beṛhaeten sanamko ṭhen khon amre heṛan botoriń ạguiya. Ape mimitʼko dope laga ńir ocokʼa; ar dạṛjoṅ hoṛ do okoehõ bako samṭaokoa.


Ape do daṛean hoṛkoakʼ jelpe joma ar dhạrtiren disạm cakʼlaokoakʼ mãyãmpe ńũiya; noko hoṛko do Bason disạmren moṭa soṭa bheḍa, bheḍa hopon, merom boda ar ḍaṅgra leka kanako.


Uniyakʼ rupạ luṭtaepe, ar sona hõ luṭ joṅpe. Noako jinis do asambheṛgea; noako do uniyakʼ murạiko reakʼ dhon kana.


Probhu Isorakʼ ona maraṅakʼ din do sor hecʼakana ar ạḍi usạrage hijukʼkana. Ote Probhu Isorakʼ din reakʼ sabad ańjompe! Unre lạṛhại birko do hasoteko raga.


Swiv nou:

Piblisite


Piblisite