Jirimiạ 46:4 - সান্তালী বাইবেল

⁴ Sadomko sapṛaokope ar onkore dejokʼpe. Bohokʼ aḍokʼ reakʼ ṭupri horokʼkate ṭhạ̃ire senkate teṅgo thạrokʼpe. Apeakʼ borlomko lasertape. Ar lạṛhại reakʼ sajbaj horogpe.

Jirimiạ 46:4 Referans Kwoze

Jirimiạ 51:3

Babelren dhinkiạko do akoakʼ akʼ aloko ṭuniạutakoma se akoakʼ mẽṛhẽtʼ aṅgrop hõ aloko horogma. Uniren juạnko do alope aṛakʼkoa; uniren lạṛhại phạdko dope marao utạrkoa.

Jeheskel 21:28

“E manwa hopon, am do nạbi katha roṛme, Amonrenko ar onkoakʼ henosta reaṅ do Probhu Isore meneda, ‘mitʼṭecʼ tarwaṛe, mitʼṭecʼ tarwaṛe do gogocʼ lạgitʼ bocʼ akana; ona do jhalkao akana makʼrao lạgitʼ ar bijli leka malkaokʼ lạgitʼ.

Nehemiạ 4:16

Enhilokʼ khon ińren adha hoṛ do kạmireko tahẽyena ar sarecʼ adha hoṛ do borlom, ḍhal, mẽṛhẽtʼ ar akʼ sarante sapṛao akanko tahẽyena. Jihudạren okoeko hoṛ do pạcriko gathaoetʼ tahẽkan onko sãote mukhiyạko hõko tahẽkana. Ar okoe mal-jalko gokʼ idiyetʼ tahẽkan onko do mitʼ titeko kạmiyetʼ tahẽkana ar eṭakʼ tite do khanḍa bhanḍako sapʼetʼ tahẽkana.

2 Bõsbudạ 26:14

Usiạ do goṭa lạṛhại phạdko lạgitʼ ḍhal, borlom, bohokʼ aḍokʼakʼ, hoṛmo aḍokʼakʼ, ar akʼ sarko ar ginḍwạriko lạgitʼ do dhirikoe benao ocokeda.

1 Samuel 17:38

Noa menkate Sạul do acʼakʼ lạṛhại posak Dạude horokʼadea. Uni do bohokʼre pitạl reakʼ ṭupri ar hoṛmore do mẽṛhẽtʼ aṅgrope horokʼadea.

1 Samuel 17:5

Uniyakʼ bohokʼre do pitạl reakʼ tupri tahẽkana ar hoṛmore do hako cuạ̃kʼ leka pitạl reakʼ aṅgrop tahẽkantaea, ona reakʼ ojon do turuigel keji tahẽkana.

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Joel 3:9

Ape do jạt jạtrenko talare niạ katha lại sodorpe; “Sonot lạṛhại lạgitʼ sapṛao akae tahenpe, ar daṛean hoṛko hoho ạgukope. Ar sanam lạṛhại phạdko do senkate jhãpko em ma.

Jesaea 8:9

“E jạtrenko, ape do midokʼpe, menkhan ape dope marao utạrokʼa; E sạṅgiń reakʼ disạmko, ańjompe, ape do lạṛhại lạgitʼ sapṛaokʼpe, menkhan ape dope marao utạrokʼa; hẽ, lạṛhại lạgitʼ sapṛaokʼpe, menkhanpe marao utạrokʼa.

Jirimiạ 46:14

Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’