Jirimiạ 46:27 - সান্তালী বাইবেল

²⁷ “E ińren golam Jakob, am do alom botorokʼa; E Israel, bin udgạuicʼ do alom hoyokʼa. Iń do sạṅgiń disạm khon, bondi akan disạm khon am ar amren hoponko khạṭigeń bańcaopea. Jakob do arhõ sulukte ar khạtirjomae tahena, celege bako botor ocoyea.

Jirimiạ 46:27 Referans Kwoze

Jesaea 43:5

Alom botorokʼa, ente iń do am sãotege minạńa. Purub disạm khon amren bõskoń ạgukoa ar pạchim disạm khon do amiń jarwamea.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jirimiạ 50:19

Menkhan Israel do acʼakʼ ạtiń ṭạnḍiteń ruạṛ ạguiyea uni do Karmel ar Basanreye ạtińa; Ephrayim ar Gilead reakʼ burukore acʼakʼ jiwiye tirpit ocoytaea.

Jirimiạ 29:14

Ape dope baḍaeyińạ, ar iń do apeakʼ bondi dosa khoniń ruạṛ ạgupea. Okoe jạtrenko ar ṭhạ̃ireń sạṅgiń akatʼpe onḍe khon iń doń samṭao jarwapea. Ar okaṭakʼ ṭhạ̃i khon bondikateń idi ocoletʼpe iń do onḍegeń ạgu ruạṛpea. Iń Probhu Isorge noa katha doń meneda.”

Amos 9:14

Bondi dosare menakʼko ińren hoṛ Israelkoń ruạṛ ạgukoa; onko do dhaṅdhaser akan nagraha arhõko benao aroea ar onakoreko tahena. Onko do darkha bagwanko benaojoṅa arko ńũiya; onko do bagwanko benaoa ar ona reakʼ joko joma.

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jesaea 44:2

Probhu Isor, okoe do ame sirjạu akatʼme, okoe do eṅgamakʼ kukhireye gaṛhaoletʼme ar one uniye goṛowam, uni do niạ kathae meneda, ‘E ińren golam Jakob, ar ińiń bachao akawan Jisurun, am do alom botorokʼa;

Jirimiạ 32:37

ińakʼ khĩs ar jolokʼkan edre iạte okako disạmre onkoń sạṅgiń giḍiletʼko onḍe khon khạṭigeń jarwakoa. Ar noa ṭhạ̃iteń ruạṛ ạgukoa ar khạtirjomań girobas ocokoa.

Jeheskel 39:25

Probhu Isor do arhõe menkeda, “Jakob do ńitokʼ bondi dosa khoniń ruạṛ ạguyea ar Israelren sanam hoṛkoń mãyãwakoa ar ińakʼ ńutum reakʼ sonottetʼ lạgitʼ iń ãṭokʼa.

Jeheskel 36:24

“ ‘Boṅgan hoṛ jạtrenko tala khon ińge apeń oḍok ạgupea; ar goṭa disạm khoniń jarwapea ar apeakʼ disạmteń ruạṛ ạgupea.

Jesaea 14:3

E Israel, oka hilokʼ Probhu Isor do amakʼ harkhet saset khon, amakʼ jala, hamal kạmi ar golam khone rukhiyạmea enhilokʼ am do Babelren raj upạrte nonkage ṭiṭkạri katham roṛa, “Ńelpe, sasantaoicʼ do cetʼlekae cabayena! Uniyakʼ sasantao edre do mucạtʼentaea.

Jesaea 44:1

Probhu Isore meneda, “Ańjomtińme E ińren guti Jakob, ar amiń bachao akatʼme Israel.

Jirimiạ 51:46

Tinre aema kathako unạnokʼa unre alom hadosokʼa se alom botorokʼa; mitʼ bochorre mitʼṭecʼ katha unạnokʼa ar eṭakʼ bochorre ar mitʼṭecʼ katha unạnokʼa. Ona unạnokʼ katha do kana, Babelre santao hoyokʼkana ar mitʼ disạmren cakʼlaoyicʼ do eṭakʼ disạmren cakʼlaoyicʼ upạrteye teṅgonkana.

Jeheskel 16:53

“Iń do Sodom ar uniren hoponerako, Samariạ ar uniren hoponerako ar onko sãote amakʼ dosa hõ pạhil lekań ạcur ruạṛa.