Jirimiạ 46:25 - সান্তালী বাইবেল

²⁵ Israelren phạdkoren Probhu Isore meneda, “Ńelpe iń do Thebesren boṅga Amon, ar Pharao ar Misor, ar onaren boṅgako ar onaren rapajko sudhạ Pharao ar unire bhorsakʼ kanko upạrte sạjạiyiń ạguiyeda.

Jirimiạ 46:25 Referans Kwoze

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jirimiạ 44:30

Jihudạren raj Sedekiạ do okoeṭakʼ bạiri goje reakʼe kurumuṭuletʼ uni Babelren raj Nebukadnesarakʼ tire cetʼ lekań soprotlede, ṭhik onkage Misorren Pharao raj Hopra hõ uniren bạirikoakʼ tireń soprotea one okoe do uniyakʼ jiwi hataotae lạgitʼko kurumuṭuyetʼkan.’ ”

Jirimiạ 49:3

“E Hesbon, homor halaṅme, ente Ai nagraha do jarkhar akana. E Raba nagraharen hoṛko, rakʼjoṅpe; gõṛẽ kicricʼ horokʼkate homor halaṅpe. Pạcriko talare ńir baṛaepe, ente aperen debota Milkom do sạṅgiń disạmteye bondi idiocokʼa, ar uni sãote uniren naekeko ar cetan hudạren kạmiyạko hõko idiocokʼa.

Jeheskel 30:22

Iń Probhu Isorgeń menetʼkana, Misorren raj Pharao upạrten kạnạń. Iń do uniyakʼ keṭecʼakʼ ar rạputʼatʼ banar tigeń rạpudtaea ar uniyakʼ ti khon tarwaṛeń ńur ocoytaea.