Jirimiạ 46:22 - সান্তালী বাইবেল

²² Bạiriko tinreko laha hijukʼa unre Misorrenko do biń lekako leń calakʼa arko dạṛa; ar bạiriko do ṭeṅgocʼante Misor upạrteko hijukʼa.

Jirimiạ 46:22 Referans Kwoze

Jesaea 29:4

Am do latartem ńur ocokʼa ar ot khon katham roṛa; ar amakʼ katha do baṅ pusṭạukʼtama. Bhutakʼ aṛaṅ leka amakʼ katha do ot khon rakabokʼa; ar dhuṛi khon do khae khoe oḍokokʼtama.

Jesaea 14:8

Saro dareko ar Lebanon reakʼ debdạru dareko hõ rạskạ salakʼ Babelren rajko metaekana, ‘am dom copotʼena, ar bhagege hoyakana; cele mamakʼko hõ ale ṭhen do ar bako hijukʼa’

Sakariạ 11:2

E saro dare, homor halaṅme, ente debdạru dare do bhinḍạṛena. Ar soros dareko hõ maraoena. E Bason reakʼ Elon dare, ape hõ homor halaṅpe, ente raṭen bir reakʼ sanam dareko do makʼ giḍi ocoakana.

Mikạ 7:16

Jạt jạtrenko daṛeanko hoylenre hõ onko do amakʼ kạmi ńelteko lajaokʼa. Onko do mocako bedokʼma ar luturko esetʼkatakoma.

Mikạ 1:8

Noa iạte iń doń rakʼjoṅa ariń homora; iń do eken jaṅga uluṅgeń dãṛã baṛaea; iń do toyo ar utʼ cẽṛẽ rakʼ lekageń homora.

Jesaea 37:24

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro dareko dom makʼ giḍiakada, ar ona reakʼ bir bhitrikorem boloakana,

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

Josuạ 9:21

Onko do arhõko menkeda, “Onko do jiwetʼko tahenma.” Onate Gibeonko babotre mukhiyạkoakʼ katha leka onko do Israel somajren sanam hoṛko lạgitʼ sahan mamakʼ ar dakʼ ạgu hoṛko hoyena.

Sereńko 74:5

Ona ńelte nonka bujhạukʼ kana, okoe coṅ gajaṛ reakʼ dare mag lạgitʼ ṭeṅgocʼko epel akada.

Jirimiạ 46:21

Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.

Jirimiạ 46:23

Onko do Misor reakʼ bir gajaṛko makʼ saphaea. Onko do pohoko khon hõ lekhateko ḍhergea; ar ohoko lekha caba daṛelena.