Jirimiạ 46:20 - সান্তালী বাইবেল

²⁰ “Misor do mitʼṭen mońj okocʼ mĩhũ kanae, menkhan utạr secʼ khon uni upạrte mitʼṭen rõ doe hijukʼkana.

Jirimiạ 46:20 Referans Kwoze

Hosea 10:11

Ephrayim do kuṛạiye ńam akatʼ mitʼṭen gại leka kanae okoe do phosol manḍae kusiyakʼ kan, menkhan iń do uniyakʼ mońj hoṭokʼre arãṛ iń gokʼaea. Ephrayim do ińren cacas ḍaṅgrae hoyokʼtińạ ar Jihudạ do ińakʼ nahelgeye ora, ar Jakob do ḍhelak hasae gejera.”

Jirimiạ 47:2

“Ńelme, utạr secʼ khon banbạsi rakapʼ hijukʼkana; ona do se rakabokʼkan ạtukʼ dakʼ lekage hijukʼkana. Ona do disạm ar onare menakʼakʼ joto ato ar nagraharen girobasokʼ kan sanam hoṛkoe ḍubạ esetʼkoa. Ona iạte hoṛko doko guhera; ar disạmreko girobasokʼ kan joto hoṛgeko jare jarekʼa.

Jirimiạ 46:6

Coṭkarko hõ bako ńir pharak daṛeakʼkana ar lạṛhạyicʼ birbanṭa hõ baṅa. Utạr secʼ phurạt gaḍa ṭhen onko doko sombotʼ bhindạṛena.

Jirimiạ 1:14

Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa.

Jirimiạ 50:11

“E Babelrenko, ape do ińakʼ ạidạripe luṭ akawana ar onatepe rạskạkʼ kana, arpe kusikʼ kana. Ape do phosol enokʼkan mĩhũ lekape don baṛaekana ar khacaṛ sadom lekape hinhạukʼ kana;

Jirimiạ 46:24

Misorren hoṛ doko lajao ocokʼa ar utạr secʼren hoṛkoakʼ tireko soprot ocokʼa.”

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.