Jirimiạ 46:2 - সান্তালী বাইবেল

² Josiạ hopon Jihudạren raj Jehoyakimakʼ rajokʼ ponakʼ bochorre Babelren raj Nebukadnesar do phurạt gaḍa ṭhen Karkemisre Misorren Pharao raj Neko do okoe lạṛhại phạdkoe bhagaoletʼko Probhu Isor do onko reaṅe meneda,

Jirimiạ 46:2 Referans Kwoze

2 Rapajko 23:29

Josiạwakʼ rajokʼ oktere Misorren Pharao raj Neko do Asurren raj goṛowae lạgitʼ phurạt gaḍa secʼe senena. Unre Josiạ hõ uni teṅgo darame lạgitʼe oḍok calaoena, menkhan Pharao Neko do uni tulucʼe lạṛhạiyente Josiạ do Megidoreye gocʼocoyena.

Jirimiạ 46:14

Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’

Jirimiạ 45:1

Josiạ hopon Jihudạren raj Jehoyakimakʼ rajokʼ ponakʼ bochorre Jirimiạ ṭhen khon ańjomkate Neriạren hopon Baruk do guṛhạ akatʼ puthire onae ol caṛhaoletʼ tahẽkana.

Jirimiạ 36:1

Josiạ hopon Jihudạren raj Jehoyakimakʼ rajokʼ ponakʼ bochorre Probhu Isorakʼ noa katha do Jirimiạ ṭhen sodorena,

Jirimiạ 25:19

Ona chaḍa Misorren Pharao raj ar uniren rajkạmiyạko, uniyakʼ disạmren mukhiyạko ar uniren sanam hoṛko;

Jirimiạ 25:1

Josiạren hopon Jihudạren raj Jehoyakimakʼ rajokʼ ponakʼ bochorre, metakʼme, Babel raj Nebukadnesarakʼ rajokʼ pạhil bochorre Jihudạren sanam hoṛko reaṅ Isorakʼ katha do Jirimiạ ṭhen sodorena.

Jesaea 10:9

Kalnowakʼ dosa do cetʼ Karkemis leka do baṅkana? Ar Hamat do cetʼ Arpad leka baṅkana? Samariạ do cetʼ Damesek leka do baṅkana?

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

2 Rapajko 18:21

Am do ona loṭocʼ pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Ar Misorren raj Pharao cetanre okoeye bhorsakʼ uni cetanre hõ onkage hoyokʼa.’

2 Rapajko 23:33

Pharao Neko do pon ṭon rupạ ar pegel are keji sona khajna lekate Jihudạ disạm cetanreye ladeatʼkoa.

2 Rapajko 24:7

Misorren raj do lạṛhại lạgitʼ acʼakʼ rajosṭi khon ar bae oḍok baṛalena, ente Babelren raj do Misor reakʼ rohoṛ gaḍa khon phurạt gaḍa hạbicʼ goṭa rajosṭigeye dokhol akatʼ tahẽkana.

Jirimiạ 43:11

Uni do hecʼkate Misor cetanre jhãpe ema ar okoe gujukʼ lạgitʼko ṭhik dohoakan onko doko gujukʼa, ar okoe bondi idikʼ lạgitʼko ṭhik dohoakan onko doko bondi idiocokʼa ar okoe tarwaṛe lạgitʼko ṭhik dohoakan onko do lạṛhạiteko gujukʼa.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jesaea 19:19

Enhilokʼ Misor disạm talare Probhu Isor ńutumte mitʼṭecʼ pinḍ ar ona reakʼ simạnare mitʼṭecʼ tham khunṭi tahena.