Jirimiạ 46:19 - সান্তালী বাইবেল

¹⁹ E Misorrenko, sạṅgińte bondi idiocokʼ lạgitʼ apeakʼ jinisko sapṛaotape, ente Naph do ujạṛakʼ ar dhaṅ dhaserakʼge hoyokʼa.

Jirimiạ 46:19 Referans Kwoze

Jesaea 20:4

onkage Ạsurren raj do Misor lajao ocoye lạgitʼ Misorren ar Kusren bondi akan koṛakoge cetʼ ar haṛamkoge cetʼ jotoge koṭo ar eken jaṅga ar oṭakʼ dhaṛakateye idikoa.

Jirimiạ 48:18

Probhu Isore meneda, “E Dibonren hoṛko, apeakʼ ṭhonok reakʼ ṭhạ̃i khon pheḍ hijukʼte khaṅgoṭ otre duṛupʼpe, ente Moabren dhaṅdhasericʼ do ape upạrte hecʼkate apeakʼ gaṛkoe dhaṅdhasertapea.

Jeheskel 30:13

“ ‘Iń do Memphisren boṅga muṭhạnkoń marao utạrkoa, ar uniren murhutʼkoń cabakoa. Misorre do cele disạm cakʼlaokoge bako tahena ar disạm reakʼ sanam ṭhạ̃irege iń do botoriń paṛao ocoya.

Jirimiạ 44:1

Misor disạmre okoe Jihudiko do Migdolre, Tahpanhesre, Naphre ar Pathros ṭoṭhareko girobasokʼ kan tahẽkan onko reaṅ Probhu Isorakʼ noa katha do Jirimiạ ṭhen hecʼena.

Sephaniạ 2:5

E Kerithiren hoṛko, okoe do jalapuri aṛerepe tahenkan, hae ape do! E Philisṭikoakʼ Kanan, am upạrte Probhu Isorakʼ katha do nonka, “Am do nonkań jarkharmea, amre celege bako tahena.”

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Jirimiạ 26:9

Cedakʼ am do Probhu Isor ńutumte nonkam nạbi akada, “Baṅma noa oṛakʼ do Silo leka hoyokʼa ar nagraha do ḍahao maraokʼte ujạṛokʼa?” Noa menkate sanam hoṛ do Probhu Isorakʼ oṛakʼre Jirimiạko esetʼ ạcurkedea.

Jesaea 19:13

Soanren cetan hudạren kạmiyạko do bebuj lekako hoyakana, ar Memphisren mukhiyạko doko ạnḍicʼakana; ar Misorren khũṭkoren mathako do bạṛicʼ horteko sen akana.

Jirimiạ 46:14

Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’

Jeheskel 29:11

Ar ona talate do cele manwa se janwar hõ bako sen paromokʼa; ar pongel bochor hạbicʼ onḍe do celege bako girobasokʼa.

Jeheskel 29:12

Jarkhar akan disạmko modre Misor disạm reakʼ dosa do artetʼ kharapiń hoeocoya; ar dhaṅdhaser akan nagrahako modre uniyakʼ nagrahako do pongel bochor hạbicʼ artetʼge bạṛicʼ hoyokʼa. Ar Misorrenko do jạt jạtrenko ar disạmko talareń chirchạturkoa.

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.