Jirimiạ 46:18 - সান্তালী বাইবেল

¹⁸ Phạdkoren Probhu Isor doe lại jạhiretʼkana, “Iń ńutumteń kiriạkʼ kana, nonkan mitʼ hoṛe hijukʼa okoe do buruko tala reakʼ Tabor leka, Jalapuri aṛe reakʼ Karmel leka.

Jirimiạ 46:18 Referans Kwoze

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

Bikʼcạrko 4:6

Uni do Napthali disạm reakʼ Kedes nagraha khon Abinoam hopon Barake hoho ạgu ocokedeteye metadea, “Israelkoren Probhu Isor do niạ hukume emamkana, ‘Napthali ar Sebulon gusṭirenko khon gel hajar hoṛko hataokom ar soṅgekate Tabor burute idikom.

Josuạ 19:22

Onkoakʼ jaega reakʼ simạna do Tabor, Sahasuma ar Bet-Semes secʼte jordan gaḍare senkate mucạtʼena. Onko do gel turui goṭecʼ nagraha ar ona aḍepase reakʼ sanam atokoko ńamkeda.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Jesaea 47:4

Aboren babańcaoicʼ do Israelren uni sonoticʼ kanae; uniyakʼ ńutum do phạdkoren Probhuge.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Mathae 5:35

Dhạrti ńutumte hõ alo ente ona do uniyakʼ jaṅga lebedokʼ jaega kana. Jerusalem ńutumte hõ alo, ente ona do maraṅ rajakʼ nagraha kana.

Jirimiạ 51:17

Sanam manwage bin ạkilan ar bebuj kanako; mimitʼ sonhar do akoren boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Jirimiạ 44:26

Menkhan Misorre girobasokʼ kan sanam Jihudiko, ape do Probhu Isorakʼ katha ańjompe. Probhu Isore meneda, ‘iń do ińakʼ maraṅ ńutumteń kiriạkʼ kana, Misorre jãhã ṭhạ̃iregeko girobasokʼ kan Jihudạren hoṛko do iń ńutumte kiriạkate bako mena, jiwetʼ Isor ńutumteń kiriạkʼ kana.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Josuạ 12:22

Kedesren raj, Karmel reakʼ Jokneamren raj, Dorer reakʼ buru jaegaren Dorer raj, Gilgal reakʼ Goimren raj ar Tirsaren raj; nokoko raj do jotote pegel mitʼ hoṛko tahẽkana.

Jirimiạ 51:57

Okoeyakʼ ńutum do phạdkoren Probhu Isor kan uni raje meneda, “Iń do uniren rajkạmiyạko, ạkilan hoṛko, disạm cakʼlaoko, cetan hudạren kạmiyạko ar birbão hoṛkoń bul ocokoa. Onko do jaejug lạgitʼko jạpitʼjoṅa; ar bako ebhenokʼa.

Bikʼcạrko 4:12

Sisera do tinre niạ khobore ańjomkeda baṅma Abinoamren hopon Barak do Tabor buruteye rakapʼ akana unre uni do are sae mẽṛhẽtʼ reakʼ rãt gạḍiko ar uniren sanam hoṛko jarwakate Haroset-hagoyim khon Kison gaḍa aṛeteye senena.

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.