Jirimiạ 46:15 - সান্তালী বাইবেল

¹⁵ Aperen lạṛhại phạdko do cedakʼko bhagao ocokʼa? Onko do ghuriạ bako teṅgo daṛeakʼa, ente Probhu Isorge latarteye ṭhelao ńurkoa.

Jirimiạ 46:15 Referans Kwoze

Sereńko 68:2

Dhũạ leka onko do oṭaṅ idikom; ar seṅgel samaṅre cherokʼkan mom leka bedhoromko do Isor samaṅ khonko mohor meṭaokʼma.

Jirimiạ 46:5

“Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.

Sereńko 18:39

Amge ińakʼ ḍanḍare lạṛhại lạgitʼ daṛeyem emakawạdińạ, ar iń upạrtenko do ińakʼ jaṅga latarrem dohoakatʼkoa.

Sereńko 18:14

Uni do sarkoe aṛakʼketʼte bạirikoe chirchạturketʼkoa, ar bijlikoteye andmandaoketʼkoa.

Jirimiạ 46:21

Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Dosar Biboron 11:23

Ar ape onape onkae enḍekhan Probhu Isorge ape samaṅ khon onko jạtrenkoe oḍokkoa, ar ape do ape khon maraṅ ar daṛean jạtrenkope bhagaokoa.

Exodus 6:1

Probhu Isor do Moseye metadea, “Am do Pharaoakʼ dosa cetʼ hoyokʼkana ona ńelme. Ińakʼ keṭecʼ tire paṛaokate uni do hoṛkoe aṛakʼkoa. Hẽ ińakʼ keṭecʼ tire paṛaokate acʼakʼ disạm khon onkoe laga oḍokkoa.”

Sereńko 68:1

E Isor ma beretʼme, uniren bạiriko doko chirchạtur cabakʼma ar uni birudrenko do uni samaṅ khonko ńirjoṅma.