Jirimiạ 46:14 - সান্তালী বাইবেল

¹⁴ Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’

Jirimiạ 46:14 Referans Kwoze

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jirimiạ 44:1

Misor disạmre okoe Jihudiko do Migdolre, Tahpanhesre, Naphre ar Pathros ṭoṭhareko girobasokʼ kan tahẽkan onko reaṅ Probhu Isorakʼ noa katha do Jirimiạ ṭhen hecʼena.

Nạhum 2:13

Phạdkoren Probhu Isore meneda, “E Niniwi, iń do am upạrte; amakʼ rãt gạḍikoń jeretʼ giḍikakʼa, ar tarwaṛe do amren dhạcri kulkoe jomkoa. Iń do amren sikạr lạgitʼ celege noa dhạrtire bạń doho oṭokakoa. Ar amren sombat emokʼkoakʼ aṛaṅ hõ ar baṅ ańjomokʼtakoa.”

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jesaea 1:20

menkhan tabe akae bape aṅgoc arpe hul enḍekhan khạṭige tarwaṛetepe marao ocokʼa.” Probhu Isor do acʼge niạ kathae roṛeda.

Jirimiạ 12:12

Hahaṅkar ṭoṭha reakʼ ceḍe buruko cetanre maraoakʼge hecʼena, ente Probhu Isorakʼ tarwaṛe do disạm reakʼ mitʼ nakha khon eṭakʼ nakha hạbicʼe jojomkana; ar okoehõ sulukte do bạnukʼkoa.

Jesaea 34:6

Probhu Isorakʼ tarwaṛe do mãyãmte ńũ turetʼ akana; ona do itilte tol akana. Ona mãyãm do bhiḍi hoponko ar merom hoponkoakʼ mãyã leka ar itil do bheḍakoakʼ kunḍi reakʼ itil lekage, ente Probhu Isor do Bosrare mitʼṭecʼ samaṅokʼakʼ porobe hoeocoya ar Edomre do ạḍi utạr hoṛko gur ocokʼa.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

2 Samuel 2:26

Unre Abner do Joab hohoadeteye metadea, “Tarwaṛe do cetʼ jaejug hạbicʼ jojomtegeye tahena? Bam bujhạueda mucạtʼtetʼ do haṛhatʼgea mente? Amren hoṛko onkoren boeha khudạuko khon do tinrem manakoa?”

Exodus 14:2

“Israelkom metakoa jemonko ạcur calakʼte jalapuri ar Migdol tala reakʼ Pi-Hakirot ńutumanakʼ jaega ṭhenko ḍerakʼ. Ona jaega do jalapuri aṛe reakʼ Bakʼ al Sephon mohnḍa muhnḍirege menakʼa.

Dosar Biboron 32:42

Makʼ gocʼ ar bondi akan hoṛkoakʼ mãyãmiń ńũ ocoyte ińakʼ sarkoń bul ocoytińa; ar ińakʼ tarwaṛe do jele joma, bạiriren mukhiyạkoren mathako reakʼge.

Jesaea 19:13

Soanren cetan hudạren kạmiyạko do bebuj lekako hoyakana, ar Memphisren mukhiyạko doko ạnḍicʼakana; ar Misorren khũṭkoren mathako do bạṛicʼ horteko sen akana.

Jirimiạ 46:2

Josiạ hopon Jihudạren raj Jehoyakimakʼ rajokʼ ponakʼ bochorre Babelren raj Nebukadnesar do phurạt gaḍa ṭhen Karkemisre Misorren Pharao raj Neko do okoe lạṛhại phạdkoe bhagaoletʼko Probhu Isor do onko reaṅe meneda,

Jirimiạ 46:19

E Misorrenko, sạṅgińte bondi idiocokʼ lạgitʼ apeakʼ jinisko sapṛaotape, ente Naph do ujạṛakʼ ar dhaṅ dhaserakʼge hoyokʼa.

Jeheskel 21:28

“E manwa hopon, am do nạbi katha roṛme, Amonrenko ar onkoakʼ henosta reaṅ do Probhu Isore meneda, ‘mitʼṭecʼ tarwaṛe, mitʼṭecʼ tarwaṛe do gogocʼ lạgitʼ bocʼ akana; ona do jhalkao akana makʼrao lạgitʼ ar bijli leka malkaokʼ lạgitʼ.

Jeheskel 30:13

“ ‘Iń do Memphisren boṅga muṭhạnkoń marao utạrkoa, ar uniren murhutʼkoń cabakoa. Misorre do cele disạm cakʼlaokoge bako tahena ar disạm reakʼ sanam ṭhạ̃irege iń do botoriń paṛao ocoya.

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.

Jirimiạ 2:16

Ona chaḍa Noph ar Tahaphones nagraharen hoṛko hõ am akʼ bohokʼ khạpriko posakʼ akatʼtama.