Jirimiạ 46:12 - সান্তালী বাইবেল

¹² Jạt jạtrenko do amakʼ lajao paṛao reakʼko ańjom akada; amakʼ kạuạ rạuạte dhạrti do andoṛokʼa. Ente birbão hoṛ do birbão hoṛregeye tohodokʼa ar unkin do bana hoṛge mitʼ domtekin bhindạṛokʼa.”

Jirimiạ 46:12 Referans Kwoze

Jirimiạ 46:6

Coṭkarko hõ bako ńir pharak daṛeakʼkana ar lạṛhạyicʼ birbanṭa hõ baṅa. Utạr secʼ phurạt gaḍa ṭhen onko doko sombotʼ bhindạṛena.

Jirimiạ 14:2

“Jihudạ doe homor halaṅeda, ente uniyakʼ nagrahako do nijor akantaea; onḍenko hoṛ do otre duṛupʼkateko homor halaṅeda, ar Jerusalem khon do rakʼ ańjomokʼkana.

Jesaea 19:2

Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

Sephaniạ 1:10

Probhu Isor do arhõe meneda, “Enhilokʼ do hako phaṭok duạr ṭhen khon rakʼ reakʼ aṛaṅ ar nagraha reakʼ dosar hĩs khon homor halaṅ ar buruko secʼ khon do rạputʼ ńurokʼkan reakʼ saḍege ańjomokʼa.

Jirimiạ 51:54

Babel khon rakʼ ańjomokʼ kana, Babelrenkoakʼ disạm khon do maraṅ okocʼ ḍhao maraokʼ reakʼ andoṛge ańjomokʼ kana,

Jirimiạ 49:21

Onkoakʼ gurokʼ reakʼ saḍete dhạrti do dal dalaokʼa; onkoakʼ rakʼ do arakʼ gaḍa hạbicʼ ańjomokʼtakoa.

Jirimiạ 48:34

“Onkoakʼ rakʼjoṅ reakʼ aṛaṅ do Hesbon khon Elial ar Jahas hạbicʼ ańjomokʼ kana, Soar khon Horonayim ar Eglath Selisiạ hạbicʼ rakapʼ akana, ente Nimrim reakʼ dakʼ hõ ańjetʼ akana.

Jesaea 10:4

Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

1 Samuel 5:12

Ar okoeko hoṛ bako gocʼlen onko hõ ona ojo ruạ do ńamletʼkoa. Onate nagraharen hoṛkoakʼ rakʼ homor reakʼ aṛaṅ do serma hạbicʼ seṭerena.

Jesaea 24:11

Darkha rasa lạgitʼ hor horteko kikiạu baṛaea. Rạskạ bodolte duk hoyokʼa, ar dhạrti khon hulạs do sạṅgińokʼa.

Jirimiạ 2:36

Amakʼ hor pheraotam lạgitʼ do cedakʼem ạcur baṛae kana? Ạsur babotre cetʼlekam lajao ocolen onkage Misor iạte hõm lajao ocokʼa.

Jirimiạ 47:2

“Ńelme, utạr secʼ khon banbạsi rakapʼ hijukʼkana; ona do se rakabokʼkan ạtukʼ dakʼ lekage hijukʼkana. Ona do disạm ar onare menakʼakʼ joto ato ar nagraharen girobasokʼ kan sanam hoṛkoe ḍubạ esetʼkoa. Ona iạte hoṛko doko guhera; ar disạmreko girobasokʼ kan joto hoṛgeko jare jarekʼa.

Jirimiạ 50:46

“Babel do dokhol akana.” Noa reakʼ saḍete dhạrti do dal dalaokʼa; ar jạt jạtrenko talare uniyakʼ rakʼ reakʼ aṛaṅ ańjomokʼa.

Nạhum 2:5

Raj do acʼren subedarkoe hohoakokana; arko tohotʼ bhindạṛokʼ kanrehõ onko doko laha idikʼ kana; ar nagraha reakʼ bhit ṭhenko ńir calakʼkana; onko do bhit rạpud reakʼ jontroko bạisạueda.