Biblia Todo Logo
Bib sou entènèt

- Piblisite -




Jirimiạ 46:10 - সান্তালী বাইবেল

10 Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Gade chapit la Kopi




Jirimiạ 46:10
25 Referans Kwoze  

Makʼ gocʼ ar bondi akan hoṛkoakʼ mãyãmiń ńũ ocoyte ińakʼ sarkoń bul ocoytińa; ar ińakʼ tarwaṛe do jele joma, bạiriren mukhiyạkoren mathako reakʼge.


Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.


Josiạ hopon Jihudạren raj Jehoyakimakʼ rajokʼ ponakʼ bochorre Babelren raj Nebukadnesar do phurạt gaḍa ṭhen Karkemisre Misorren Pharao raj Neko do okoe lạṛhại phạdkoe bhagaoletʼko Probhu Isor do onko reaṅe meneda,


Coṭkarko hõ bako ńir pharak daṛeakʼkana ar lạṛhạyicʼ birbanṭa hõ baṅa. Utạr secʼ phurạt gaḍa ṭhen onko doko sombotʼ bhindạṛena.


ente noako din do sạjạiyokʼ dinge hoyokʼa, ar onate sonot sostorre oka ol menakʼ ona do purạukʼa.


Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.


Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.


Uni beṛhaete uni upạrte lạṛhại reakʼ andoṛpe. Uni doe bhagao ocoakana, uniyakʼ rurukhiyạ bebosta do rạputʼ akana ar uniyakʼ pạcri do lạnduṛ akantaea. Probhu Isor do uni cetanreye hala hạlikʼkana, ape hõ halawaepe. Eṭakʼko cetʼ lekae ceka akawatʼko ape hõ uni onkawaepe.


Ńitokʼ do chakʼḍao reakʼ okte hecʼakana; ar hala hạli reakʼ oka okteń ṭhik dohoakatʼ ona hõ hecʼ seṭerena.


Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.


Misorren raj do lạṛhại lạgitʼ acʼakʼ rajosṭi khon ar bae oḍok baṛalena, ente Babelren raj do Misor reakʼ rohoṛ gaḍa khon phurạt gaḍa hạbicʼ goṭa rajosṭigeye dokhol akatʼ tahẽkana.


Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;


“Sanam daṛeanicʼ do bicạr lạgitʼ okteko cedakʼ bae niṭ akada? Okoe uniko baḍae akade onko do cedakʼ ona din bako ńelńameda?


Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.


Hahaṅkar ṭoṭha reakʼ ceḍe buruko cetanre maraoakʼge hecʼena, ente Probhu Isorakʼ tarwaṛe do disạm reakʼ mitʼ nakha khon eṭakʼ nakha hạbicʼe jojomkana; ar okoehõ sulukte do bạnukʼkoa.


Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’


Ona iạte iń phạdkoren Probhu Isor do Ạsurren raj cetʼ lekań sạjạilede onkage Babelren raj ar uniyakʼ disạmre hõ sạjạiyiń ạguiya.


“E manwa hopon, am do nạbi katha roṛme, Amonrenko ar onkoakʼ henosta reaṅ do Probhu Isore meneda, ‘mitʼṭecʼ tarwaṛe, mitʼṭecʼ tarwaṛe do gogocʼ lạgitʼ bocʼ akana; ona do jhalkao akana makʼrao lạgitʼ ar bijli leka malkaokʼ lạgitʼ.


Hende sadomkoakʼ rãt gạḍi do utạr disạm secʼ calakʼkana, ar ponḍ sadomkoakʼ rãt gạḍi do pạchim secʼ ar nana parkan roṅan sadomkoakʼ rãt gạḍi do dạkhin secʼ calakʼkan tahẽkana.”


Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.


Swiv nou:

Piblisite


Piblisite