Jirimiạ 44:7 - সান্তালী বাইবেল

⁷ “Ńitokʼ iń do Israelren phạdkoren Probhu Isoriń meneda, cedakʼ apnarte nunạkʼ bạṛicʼakʼ dope kạmikana? Ape do herelko, maejiuko, ńir keṭecʼ gidrạko, nunu gidrạko Jihudạ khonpe oḍok ạguketʼkote apnartege onkope maraoetʼkoa.

Jirimiạ 44:7 Referans Kwoze

Habakkuk 2:10

Am do ḍher jạtrenkom marao akatʼkote amakʼ gharońj cetanre lajaoem ạgu akada ar bańcaokʼ reakʼ ạidạri dom caba akada.

Jirimiạ 51:22

am hotetege iń do herel ar maejiukoń chirchạtur akatʼkoa, am hotetege haṛamko ar bale gidrạkoń chirchạtur akatʼkoa, am hotetege juạn ar juạnikoń chaka chun akatʼkoa;

Numeri 16:38

Kại gunạkʼte tinạkʼ hoṛko gocʼen dhup dạniko do onko hoṛkoakʼ kangea. Menkhan Probhu Isor samaṅre hạjirletʼ iạte onako do uni ńutumte begar dohoakana. Onate am do onakom kuṭạm capṛa ocoya ar pinḍrem bạisạukakʼa. Jemon Israelko ṭhen mitʼṭecʼ cinhạ leka tahen.”

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Jirimiạ 44:14

Nonkate Misor disạmre tahen lạgitʼko hecʼakan Jihudạren sarecʼko do cele hõ bako paskaokʼa, ar bako sarejokʼa, onko do Jihudạ disạmte ruạṛ lạgitʼko ahkaokʼgea, menkhan celege bako ruạṛa mitʼ bar ńir paskaokʼko chaḍa.”

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Jirimiạ 7:19

Menkhan noako kạmikate cetʼ ińko duk ocoyedeń kana?” Onko do akotege lajaoko ạgujoṅkana ar apnartetʼko dukokʼkana.”

Kạhtukko 15:32

Okoe hoṛ ḍanṭao bae bạsutakʼ kan uni do apnargeye nihạ̃tokʼa. Menkhan nisṛạu ańjomicʼ do bae hameṭ joṅa.

Kạhtukko 5:22

Bedhorom hoṛ do bạṛicʼ kạmi reakʼ jhạlireko paṛaokʼa, uni do apnarakʼ kại babertegeye tol ḍhumbạgokʼa.

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

Bikʼcạrko 21:11

Onkoko menkeda, “Ape do mitʼke mitʼ herel hopon ar okoe do kũạri kuṛiko baṅkan nonkan mitʼke mitʼ maejiuko hõpe gocʼkoa.”

Josuạ 6:21

Onko do khanḍa banḍawante herel ar maejiuko, gidrạ ar haṛam buḍhiko, ḍaṅgrako, bhiḍiko, gadhako ar eṭakʼ sanam jiwiyankoko marao cabaketʼkoa.

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Jirimiạ 42:20

ape do ạḍi maraṅakʼpe bhul lạgidokʼ kana. Ape do aperen Probhu Isor ṭhen niạ mentepe kolledeńa, ‘ale lạgitʼ aleren Probhu Isor ṭhen koeme; ar uni okae men ona jotowakʼge lạiyaleme ar ale do ona lekagele calakʼa.’

Jirimiạ 26:19

Jihudạren raj Hiskiạ se Jihudạren eṭakʼ jãhãe do cetʼ Mikại gocʼledea? Hiskiạ do cetʼ Probhu Isor bae botorae kan tahẽkana ar uniyakʼ daya do cetʼ bae khojletʼa? Onate Probhu Isor do hoṛko cetanre oka muhin paṛao ocoy reakʼ kathae roṛletʼ ona do ar bae kolleda. Menkhan abo do apnarte mitʼṭecʼ maraṅ botor bon ạgujoṅkana. ”

Jirimiạ 25:7

“Ńitokʼ Probhu Isor doe meneda, ‘menkhan ape do ińakʼ katha bape ańjomletʼtińạ. Ar ona bodolte apeakʼ tite benaoakʼ jiniskote iń edre ocoakadińte apnar cetanre muhinpe ạguakawana.’

Kạhtukko 8:36

Menkhan okoe iń bae ńameńkan uni do acʼgeye bạṛijokʼ kana; ar okoe ińko kurudạńkan onko sanamko do gujukʼko dulạṛa.”

Kạhtukko 1:18

Noko hoṛ do akotege khũnokʼ lạgitʼko tãṛãgokʼ kana, ar ḍhao maraokʼ lạgitʼ apnargeko oko tahenkana.

1 Samuel 22:19

Ona tayom uni do naekekoakʼ ato Nob do tarwaṛeteye ńẽtʼkeda ar onaren herel hoponko, maejiuko, ńir keṭecʼ gidrạko, bale gidrạko, gadhako, ḍaṅgrako, bhiḍiko sudhạ tarwaṛeteye gocʼ cabaketʼkoa.

Jirimiạ 3:24

Aboakʼ juạn jokhecʼ khonge aboren hapṛamkoakʼ khaṭaoteakʼ jo, metakʼme onkoren gại-ḍaṅgra, bhiḍi merom palko ar onkoren hopon ar hoponerako do onko lajao ocokʼkan debotageko utʼ akatʼkoa.

Rak̕joṅ 2:22

Porob reakʼ dinre cetʼ leka hoṛkom jarwako onkage iń beṛhaete aema lekan botorakʼkom jarwa akada. Probhu Isorakʼ edre hilokʼ do cele hõ bako paskaokʼa ar celehõ bako sarejokʼa; iń do okoe joton ariń ạsul haraletʼko ińren bạiri do onkogeko marao akatʼkoa.

Jirimiạ 25:6

Ape do debotako alope pańjakoa ar sewa hõ alope sewawakoa; apeakʼ tite benaokʼ jiniskote iń do alope edre ocoyińạ. Ar baṅkhan bạń bhạlạipea.’

Jirimiạ 38:17

Unre Jirimiạ do Sedekiại metadea, “Israelren phạdkoren Probhu Isore meneda, ‘Babel rajren subedar ṭhen bhagao ocokʼ reakʼem aṅgocetʼ khan amakʼ jiwi do bańcaokʼtama ar noa nagraha do seṅgelte baṅ ḍahao maraokʼa; ar am gharońjrenpe bańcaokʼa.

Jeheskel 9:6

Haṛamko, juạnko, juạniko, maejiuko, ar kạṭicʼ gidrạko jotope gocʼkoa, menkhan okoekoakʼ moloṅre cinhạ menakʼ onko do alope joṭetʼkoa. Mundil khonge ona do ehobpe.” Onate onko do mundil samaṅre okoe murubbiko tahẽkan onko hoteteko ehopʼkeda.