Jirimiạ 44:6 - সান্তালী বাইবেল

⁶ Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Jirimiạ 44:6 Referans Kwoze

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jeheskel 8:18

Onatege iń do edre seṅgelte onko sãoteń beohara; ar mãyãte do bạń beṅgetʼakoa ar aṛakʼ hõ bạń aṛakʼkoa. Ar ińakʼ lutur ṭhen ãṭ aṛaṅteko ragrehõ bạń ańjomtakoa.”

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jirimiạ 21:5

Ińge ape upạrteń lạṛhạiya ińiń tiyạr akatʼ ti ar keṭecʼ sopote, edre raṅgao ar maraṅ kurkurạukʼtege.

Jirimiạ 7:34

Iń do Jihudạ reakʼ nagrahakore ar Jihudạ reakʼ sanam horkore rạskạ ar hulạs reakʼ aṛaṅ ar jãwãe ar bạhu kuṛiyakʼ aṛaṅiń thir ocoya, ente disạm do mitʼṭecʼ jarkharakʼge hoyokʼa.

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Jesaea 51:17

E Jerusalem, ebhenokʼme, beredokʼme; ar teṅgonme. Ente am do Probhu Isorakʼ ti khon uniyakʼ edreteakʼ bạṭi khonem ńũ akada; okaṭakʼ bạṭi khon manwa do ńũkateko konḍe manḍekʼ ona bạṭi reakʼ do amgem ńũ ańjetʼakada.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Jeheskel 24:8

Ińakʼ edre caṛhao ocoy lạgitʼ ar hala hạli lạgitʼge ona mãyãm do cạṭạni cetanreń doho akada jemon alo danaṅ esedokʼ.’

Jeheskel 20:33

Iń Probhu Isorge ińakʼ ńutumte kiriạkateń meneda, ińakʼ daṛeanakʼ ti tiyạrkate edreń dulapete ape cetanreń rajokʼa.

Jeheskel 6:12

Okoe sạṅgińre menakʼko onko do mahamạriteko gujukʼa ar okoe sorre menakʼko onko do lạṛhạiteko gujukʼa, ar okoe sarecʼko tahena onko do gherao esetʼ akan talare akal iạteko gujukʼa.

Jeheskel 5:13

“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.

Jirimiạ 36:7

Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Levitikus 26:28

enḍekhan raṅgaote ape upạrteń colona ar apeakʼ kại reakʼ eae doboṛiń sạjạipea.

Levitikus 26:31

Iń do apeakʼ atoko, nagrahako ar dewa-sewa oṛakʼkoń marao giḍikatapea. Ar apeakʼ samaṅokʼakʼko bạń ataṅtapea.

Jesaea 1:7

Apeakʼ disạm do ujạṛ akantapea, nagrahako do seṅgelte jarkhar akana. Apeakʼ khetko reakʼ phosolko do apeakʼ mẽtʼ samaṅrege porjạtrenko luṭ idiyetʼ kana; ar bidisiạko do disạmko jarkhar akada.

Jirimiạ 4:27

Probhu Isore meneda, “Goṭa disạmge ujạṛokʼa, menkhan purạ puri do bạń marao utạra.

Jirimiạ 7:17

Am do cetʼ bam ńeńelkana Jihudạ reakʼ nagrahakore ar Jerusalem reakʼ kulhikore onko do cetʼko ceka kana mente?

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Rak̕joṅ 1:13

Coṭ khon uni do ińakʼ jaṅkore seṅgelgeye kol akada. Ińakʼ jaṅga lạgitʼ uni do jhãmpae oḍao akada ar ạcur ruạṛokʼ lạgitʼe jormoṭ akadińạ. Uni do ińe eskar akadińạ, goṭa din nijorgeye dohoakadińạ.

Jeheskel 20:34

Ińakʼ daṛeanakʼ ti tiyạrkate ar ińakʼ edre dul hotete aema jạtrenko tala khoniń ạgupea ar okako disạmrepe pasnao ocolen onḍe khon arhoń jarwapea.

Sakariạ 1:2

Probhu Isor do Sakariại metadea, “Aperen hapṛamko cetanre iń do ạḍiń edrelena.

Sakariạ 7:14

Iń do bin oprom jạtrenko talareń pasnaoletʼkoa. Inạ tayom onkoakʼ disạm do nonka khaṅgoṭakʼ hoylena, onḍe do celege bako senokʼkan tahẽkana. Nonkate ona mońj disạm do ujạṛ utạrakʼko hoyocoleda.”

Jirimiạ 8:3

Okareń sạṅgiń giḍikako onḍe onko dusṭạmi jạtren sarecʼ jiwetʼ tahen hoṛ do jion khon morongeko kusiyakʼa. Noa katha do phạdkoren Probhu Isorgeye roṛeda.”

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Rak̕joṅ 1:1

Hae! ona nagraha do, mitʼ jokhecʼ onare hoṛkote perecʼ tahẽkana, uni do cetʼleka eskare duṛupʼ akana. Okaṭakʼ nagraha do mitʼ jokhecʼ jạt jạtrenko talare maraṅe tahẽkan, uni do ńitokʼ rạnḍi maejiu lekae hoyakana. Uni do disạmkoren rạniye tahẽkana ar ńitokʼ do kạ̃ṛmĩye hoyakana.

Rak̕joṅ 5:18

Sion buru do ujạṛakʼ hoyakana; toyoko do onareko dãṛã baṛaekana.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”