Jirimiạ 44:4 - সান্তালী বাইবেল

⁴ Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.

Jirimiạ 44:4 Referans Kwoze

Jirimiạ 26:5

ona chaḍa aema dhao ińren golamko, metakʼme nạbiko ape ṭheniń kolletʼkoa menkhan ape do onkoakʼ katha hõ bape ańjomletʼtakoa.

Jirimiạ 7:25

Aperen hapṛamko Misor disạmko bạgiyatʼ tayom khon teheń hạbicʼ dinke din ape ṭhen ińren gutiko, metakʼme nạbikoń kolletʼkoa.

Jirimiạ 7:13

Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.

Sakariạ 7:7

Jerusalem ar ona beṛhaeteakʼ nagrahakore tinre hoṛko girobasokʼ kan tahẽkana ar tinre ona reakʼ dosa bhage tahẽkana ar Negeb ar pạchim reakʼ latar buru ṭoṭhakore hoṛko tahẽkana unrehõ Probhu Isorakʼ noako katha do lahaten nạbiko hoteteye roṛlena.’ ”

Jeheskel 16:47

Enrehõ am do unkinakʼ horkore taṛamte ar unkinakʼ hirkhạwakʼko leka kạmite do bam tirpitlena, bickom eken thoṛa ghạṛitege amakʼ sanam horkore unkin khon hõ bạ̃ṛtigem kharapena.

Jeheskel 8:10

Onate iń do bhitrite bolokateń beṅgetʼ ạcurkeda ar bhit reakʼ sanam ṭhạ̃ire leńokʼkan jiwiyanko ar besapha janwarko ar Israelren sanam boṅga muṭhạnko ol caṛhao akan iń ńelkeda.

Jirimiạ 29:19

Ente okaṭakʼ katha iń do aema dhao ińren golamko, metakʼme nạbiko hotete onko ṭheniń jạhirletʼ onko do ona bako ańjomletʼtińạ.

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

2 Bõsbudạ 36:15

Israelkoren hapṛamkoren Probhu Isor do ghane ghane hoṛ kolkate onkoe sontoretʼko tahẽkana, ente uni do acʼren hoṛko ar acʼakʼ tahen oṛakʼ cetanre daya tahẽkantaea.

1 Patras 4:3

Okoe Isor bako baḍae akade onko leka ape hõ lahate umtạ umti, bạṛicʼ sana, ńũ bhuteṛokʼ, rij roṅ, matalokʼ, ar hirkhạwakʼ boṅga sewarepe taṛametʼ tahẽkana.

Jeheskel 16:36

Probhu Isore menetʼkana, “Laṭghaṭ kạmire am do amakʼ lajaoakʼem udukʼ akokante amakʼ uluṅ do amren dulạṛiạko ṭhenem sodoretʼkana. Amakʼ sanam hirkhạwakʼ boṅga muṭhạn lạgitʼ ar onko ńutumte amren hopon ar hoponerakoakʼ oka mãyãmem emakatʼ,

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Jirimiạ 32:33

Onko do iń secʼko dea akada, mẽtʼãhã do baṅa; iń do aema dhao onkoń cetʼ akawatʼko tahẽkanre hõ enhõ onko do ińakʼ ḍanṭao bako aṅgocleda.

Jirimiạ 32:34

Onko do ińakʼ oṛakʼre akoren hirkhạwan murhutʼko doho akatʼkote onako bhonḍakada.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Daniel 9:6

Aleren rajko, mukhiyạko, hapṛamko ar disạmren sanam hoṛko ṭhen amren guti nạbiko do am emakʼ oka kathako menakatʼ ona do ale bale ańjomleda.

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

Nehemiạ 9:34

Aleren rapajko, mukhiyạko, naekeko ar aleren hapṛamko do amakʼ ạn-ạri bako manao akada; amakʼ hukum se sontor katha hõ bako ańjomleda.

Jirimiạ 7:17

Am do cetʼ bam ńeńelkana Jihudạ reakʼ nagrahakore ar Jerusalem reakʼ kulhikore onko do cetʼko ceka kana mente?

Jirimiạ 7:18

Gidrạko do sahanko halaṅeda, apatko do seṅgelko joleda ar maejiuko do holoṅko sipiyeda ar sermaren rạni ńutumte piṭhạko benaoeda. Ar iń duk ocoyiń lạgitʼ onko do debotako ńutumte coḍor samaṅokʼakʼko samaṅeda.

Jeheskel 18:31

Apeakʼ sanam ghạṭko ape khoniń sạṅgiń giḍikatapea ar apeakʼ mon ar ontor do nãwãte benao rakabtape. Cedakʼpe gujukʼa?