Jirimiạ 44:30 - সান্তালী বাইবেল

³⁰ Jihudạren raj Sedekiạ do okoeṭakʼ bạiri goje reakʼe kurumuṭuletʼ uni Babelren raj Nebukadnesarakʼ tire cetʼ lekań soprotlede, ṭhik onkage Misorren Pharao raj Hopra hõ uniren bạirikoakʼ tireń soprotea one okoe do uniyakʼ jiwi hataotae lạgitʼko kurumuṭuyetʼkan.’ ”

Jirimiạ 44:30 Referans Kwoze

Jeheskel 30:21

“E manwa hopon, iń do Misorren raj Pharaoakʼ tiyiń rạputʼ akatʼtaea. Ar bogekʼ lạgitʼ ona ti do kicricʼte baṅ bedhao akana jemon ghuriạte ona do tarwaṛe bae sapʼ daṛeakʼ.

Jirimiạ 34:21

“Ar okoe bạiriko do Jihudạren raj Sedekiạ ar uniren kạmiyạko gocʼkoko menetʼkan iń do onko bạirikoakʼ tirege onkoń soprotkoa. Babel rajren okoe lạṛhại phạdko ape khonko ruạṛ sen akan iń do onkoakʼ tirege apeń soprotpea.

Jeheskel 31:18

“ ‘E Pharao raj, ṭhonok ar jakjomok secʼte Eden reakʼ dareko modre mitʼṭecʼ hõ am soman do baṅkana. Enhõ Eden reakʼ dareko sãote amhõ ot reakʼ latar utạrakʼkotem pheḍ ocokʼa; ar okoe bin khatna akan hoṛ lạṛhạiteko gocʼakan onko sãote giticʼ akanem tahena.’ “Iń Probhu Isorgeń menetʼkana, ona dare do hoyokʼ kana Pharao ar uniren sanam phạdkoge.”

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Jirimiạ 44:29

“ ‘Iń Probhu Isor do ape lạgitʼ mitʼṭen cinhạń emokʼa, niạ ṭhạ̃ire apeń sạjạipea jemonpe baḍae daṛeakʼ ape oka botoriń udukʼatʼpe tahẽkan ona do ṭhikgea mente. Ar ona cinhạ do noage,