Jirimiạ 44:28 - সান্তালী বাইবেল

²⁸ Ar okoe do lạṛhại khonko bańcaokʼte Misor khon Jihudạ disạmteko ruạṛ hijukʼ onkoakʼ lekha do thoṛage hoyokʼa. Ona tayom Jihudạren sarecʼ okoeko hoṛ Misorte girobasokʼ lạgitʼko hecʼakan onko doko baḍae daṛeakʼa okoeyakʼ katha ṭhik tahena, ińakʼ se onkoakʼ.

Jirimiạ 44:28 Referans Kwoze

Jirimiạ 44:14

Nonkate Misor disạmre tahen lạgitʼko hecʼakan Jihudạren sarecʼko do cele hõ bako paskaokʼa, ar bako sarejokʼa, onko do Jihudạ disạmte ruạṛ lạgitʼko ahkaokʼgea, menkhan celege bako ruạṛa mitʼ bar ńir paskaokʼko chaḍa.”

Jesaea 10:19

Uniyakʼ bir reakʼ sarecʼ dareko do lekharege nunạkʼ komaokʼa je, mitʼṭen huḍiń gidrạ hõ lekhakate onae ol daṛeakʼa.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Jirimiạ 44:29

“ ‘Iń Probhu Isor do ape lạgitʼ mitʼṭen cinhạń emokʼa, niạ ṭhạ̃ire apeń sạjạipea jemonpe baḍae daṛeakʼ ape oka botoriń udukʼatʼpe tahẽkan ona do ṭhikgea mente. Ar ona cinhạ do noage,

Sereńko 33:11

Menkhan Probhu Isorakʼ goṭawakʼ do jaejug hạbicʼ tahena; uniyakʼ mon do jug cetan juge tahentaea.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Numeri 14:41

Menkhan Moseye metatʼkoa, “Cedakʼ ape do Probhu Isorakʼ hukum upạrtepe calakʼ kana? Apeakʼ noa kạmi do baṅ jo bahakʼ tapea.

Jesaea 10:22

E Israel, amren hoṛkoakʼ lekha do jalapuri reakʼ gitil unạkʼlenre hõ enhõ thoṛa hoṛgeko ruạṛ hijukʼa. Israelko lạgitʼ maraokʼ do ṭhik doho akana ar hok reakʼ sạjại do onkore paṛaokʼgea.

Jirimiạ 42:17

Noa katha do sạrikana, okoe Misorte senkate girobasokʼ lạgitʼpe goṭa akatʼ onḍe ape do jotoge lạṛhạite, akalte, mahamạritepe gujukʼa; ar oka muhin onko cetanreń paṛao ocoy ona khon onkoren mitʼṭen hoṛ hõ jiwetʼ do bako tahena ar bako paskao daṛeakʼa.’

Jirimiạ 44:13

Iń do cetʼleka Jerusalem iń sạjại akadea, ar okoe Misorreko girobasokʼ kan onko hõ onkage lạṛhại, akal ar mahamạriteń sạjạikoa.

Jirimiạ 51:50

Ape okoe do gujukʼ reakʼ ti khon rukhiyạpe ńamakatʼ dela hijukʼpe, alope biloma. Sạṅgiń disạmre tahenrege Probhu Isor disạiyepe ar Jerusalem reaṅ dạndikʼpe.

Jeheskel 6:8

“ ‘Tobe thoṛa hoṛ do jiwetʼ iń dohokoa; aperen paskaokʼko do tinre eṭakʼ eṭakʼ disạm ar jạtrenko talareko chirchạturokʼa unre onko hoṛ do gujukʼ reakʼ ti khon rukhiyạko ńama.