Jirimiạ 44:26 - সান্তালী বাইবেল

²⁶ Menkhan Misorre girobasokʼ kan sanam Jihudiko, ape do Probhu Isorakʼ katha ańjompe. Probhu Isore meneda, ‘iń do ińakʼ maraṅ ńutumteń kiriạkʼ kana, Misorre jãhã ṭhạ̃iregeko girobasokʼ kan Jihudạren hoṛko do iń ńutumte kiriạkate bako mena, jiwetʼ Isor ńutumteń kiriạkʼ kana.

Jirimiạ 44:26 Referans Kwoze

Ibriko 6:13

Isor do Abrahame gokʼade tahẽkanre acʼakʼ ńutumteye kiriạlena, ente acʼ khon maraṅ okoe hõ bạnukʼkoa one uni ńutumteye kiriạ daṛekokʼ.

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

Sereńko 50:16

Menkhan Isor do bạṛicʼ hoṛkoakʼ noa kathae meneda, “Ińakʼ ạn reakʼ katha se ińakʼ bondobos reakʼ katha roṛ reakʼ amakʼ do cetʼ jãhãnakʼ ektiạri menakʼtama?

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Jirimiạ 5:2

Ar onkoko men, ‘jiwetʼ Probhu Isor ńutumteń kiriạkʼ kana,’ enhõ onko do eṛe eṛeko kiriạkʼ kana.”

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Ibriko 3:18

Ar okoeko ṭhen baṅ Isor doe kiriyạlenteye metatʼko tahẽkan, onko do uniyakʼ jirạukʼ joṅ jaegate bako bolo ńama? Onko do cetʼ nokoko hoṛ doko baṅkana one okoe do bako pạtiạuadete uniko bemanotlede?

Amos 8:7

Probhu Isor, okoe doe Jakobren ṭhonokanicʼ kan, uni do kiriạkateye meneda, “Onko okako kạmi akatʼ ona do tishõ bạń hiṛińokʼa.

Amos 6:10

Ona tayom jãhãeṭakʼ peṛage onako mạ̃ṛĩ do oḍok idikate rapakʼ giḍikakʼ lạgitʼe hijukʼa. Uni do oṛakʼ bhitrire bolokate ar jãhãe menakʼkoa se baṅa ona baḍae lạgitʼe kulijoṅa, “Am chaḍa ar jãhãe menakʼkoa?” Unre ona oṛakʼren hoṛe mena, “Baṅa, bạnukʼkoa.” Onate uni peṛa doe mena, “Hapekokʼme. Ar Probhu Isorakʼ ńutum hõ alom ńuma.”

Jirimiạ 46:18

Phạdkoren Probhu Isor doe lại jạhiretʼkana, “Iń ńutumteń kiriạkʼ kana, nonkan mitʼ hoṛe hijukʼa okoe do buruko tala reakʼ Tabor leka, Jalapuri aṛe reakʼ Karmel leka.

Jirimiạ 22:5

Menkhan niạko hukum bape manao enḍekhan iń Probhu Isor do ińakʼ ńutumte kiriạkateń meneda, niạ raj oṛakʼ do jarkharokʼa.’ ”

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Sereńko 89:34

Ińiń dohoakatʼ bondobos do bạń rạpuda; ińakʼ moca okae menetʼkan ona do bạń bodola.

Numeri 14:28

Probhu Isor do Mose ar Aron Israelko memene metatʼkinạ, “Kiriạkateń meneda, iń Probhu Isor oka katha roroṛ iń ańjom akatʼpe onageń onkawapea.

Jirimiạ 24:8

“Menkhan noa bạṛicʼ loa, okaṭakʼ do ạḍi bạṛicʼge, one oka baṅ jomogokʼ, onako leka Jihudạren raj Sedekiạ, uniren kạmiyạko ar Jerusalemren okoeko hoṛ do disạmre menakʼko ar Misorre okoeko tahenkan onko sãote do bạṛicʼ iń beohara.

Jirimiạ 44:24

Ona tayom Jirimiạ do sanam herel hoṛko ar maejiukoe metatʼkoa, “Misorre upriạ lekate girobasokʼ kan Jihudạren sanam hoṛko, ape do Probhu Isorakʼ katha ańjompe.

Jirimiạ 49:13

Iń do ińakʼ ńutumteń kiriạkʼ kana, Bosra doe marao utạrokʼa ar hirkhạwạnicʼe hoyokʼa. Uniyakʼ dosa ńelte hoṛko torasokʼa ar uniyakʼ ńutumko sarapakʼa. Uniyakʼ sanam ato ar nagrahako do jaejug ujạṛakʼge hoyokʼa.”

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Jirimiạ 44:11

“Ona iạte iń Israelren phạdkoren Probhu Isor doń ṭhik dohoakada, ape cetanre muhiniń ạguiya ar goṭa Jihudạ disạmgeń marao utạra.

Jirimiạ 44:14

Nonkate Misor disạmre tahen lạgitʼko hecʼakan Jihudạren sarecʼko do cele hõ bako paskaokʼa, ar bako sarejokʼa, onko do Jihudạ disạmte ruạṛ lạgitʼko ahkaokʼgea, menkhan celege bako ruạṛa mitʼ bar ńir paskaokʼko chaḍa.”

Jirimiạ 51:14

Phạdkoren Probhu Isor do acʼakʼ ńutumte kiriạkateye meneda, “Iń do khạṭige mitʼ jhãk pohoko leka hoṛkote amiń perecʼmea, ar am cetanre jitạukʼ reakʼ iń andoṛa.”